ZABELLEI SAMTE

ZOU PAUPU : THE HERO

“ Boss Toni”, “Concert khat ki mawh bawl leh”, “Na luvun ka hawh deh” leh a dng dng.

Koima a en ut lou umlou mawh. Et ut huai ki sa chiat sam hi.North Campus-Gandhi Vihar vel va vah tan.. bang genna a heiai chi jong theilou pi in I unaute Zou Paupu The Hero dialoque ngen in a ki hou ua Chiam nui naina jang ua a nui khawm va duam uhi. Zothai,Zou Paupu theikhalou vaang mama leh kilawm.Zothai Hit kai a eilawi Box Office ah kumkhat phial Top kai den hi.Aban ah Zou Paupu The Hero in Box Office khenkia. I market uh hoi leh mawh mawh hausat theina vai ahi mawh hi. Banah I IT knowledge uh ngiam non tuanlou ahi kilang. A sound jong Stodio ki khum bang va iya .

Tambang pen chiintah mama hi. I minamuh ahoilam a I phoukhiat na uh khat jong ahi. Kaloite khat in Zouthai a Zou Lunneo Singngat lamte sa mawh.Siam sa mama hiding hiven “Siam sam e maw” ang chikei hi. Iki jilna uh jong hi,sumsuina jong lah hiveve, ban ah I nam I ham miten a thei na khat uh jong hinalai. Ki mang mawng mawng lou ahi. Abeina hinailou in Zo(u) suan te a ding a Lingua Franca siamkhait theina hoitahkhat jog ahi nalai hi. Ham I chi pen Pu Lalpu gen bang in kholai a Nupi hamkhial khat, mikhat tawt ham ahilouleh naupangte thu gen pou a hing ki pan thatha ahi lel tah hi.Ei ham siamloute te ham dante pou a jonghing piang koikoi thei veve ahi.

A daahuai mama khat, Zou Paupu The Hero a Paupu zi in ‘a ching’ a chi pen bang a china e chi theilou ki um valong. Delhi umthei a ‘achiing ‘ bang china e chi theilou bang a chui ut huai phial hi.Pawlsawm ka simlai in kaclass uah ka lawite uh nungah khat in MIL bu a “min chiim” chi thuteng angtel leh bang china e chi ang thei ta vanuh sih hi. Tuophet inka lawite lah uakhat in eng bawl in “Zo dawn lam a aga thei sing chikhat,a ga a min chiang a I neh leh tui mama ,a ga min thei mawng mawnglou khat ahi” chin a hil hi. Ita I nau ten ei hamnasana theilou uleh ki I ngaw ta diei? Koi amaw diei? Kolte lah hisam lou,Kolham maimai siam,zei zawmah.Pahtat a huai na um thou nanleh eima ham I thei lou pen zum huai zaw hi.Duh dah lou vai hi jo hi. Pilna, khantouna hijolou in motna ,khansuhna leh manthaina lam juan I hi china ahijo hi.

Tuaban ah pichingpi,lawmngai thei hita,eiham nasan giel thei lou.Love Letter sapham a giel dinga chi leh sapham thei in lah dai vet lou,eimi Laisiangthou jang theilou,hoisih,changkang sih chi poupou,ei ham a sim theilou man uh,a simsiamlou manuh ahilam lah ki thei maw lou chi tampi ki um ta hi.Laithot I gel chiangin eima hamma in gielin Biahinn I kai chiangin eima Laisiangthoute ma toi in eima Laate ma sa in hilei I biah uh I Pasian uh jongkipah diah ding in ka gingta hi.Pu hang Do Lian in a genna ah, “Ken kahui le Vantung ka tun chiang,Pasian kumtawn a kaphat chiang in Zoham ma jangh lai vang” a chi a thupi ka sa mama a jaatat na ka piahi.

Midang hamdang jangte toh I ki hou chiangin eima ham ahithei tanin jah sawm chiat vai.Ei ham a hamsiamloute mawh nuisat sat nonsih vai,hil thaw in sudih jo vai.A daahaui sawnsawn kia khat in I lamkaite penpen in kisiamsah deu in koiman amau ham theilou hing sa kha va chi hileh kilawm in a ki houpi te uh ham siamlousasan jang phuat uhi.Tampena hiona umthounanleh a dihlou lam hijo ding ahi. Banah I zi namdang I ham kibahpi ahilou jiah a I sungte ham va jahding china aumsih a jong Pasal vai la deu jo hi.Hing nuainet giap va un Paalou-Tuai, thumang hing kichi van I nualam apat in ahing nuisansan giap ding uhi.Pilvang leila maw Sangam???

Eiham ma ngaina, kem leh khangsah ding in koipou I kichial vangut uhi. Tuohileh mite ham jang nonlou in miten I ham ahing jang zaw ta ding uhi.

Gualzawlna nah maw???!!