ZABELLEI SAMTE

ZKT FRESHERS MEET ISSUE EDITORIAL

Koiii…..zolei taangbang nang damchiat na uh amah????????????? Fm issueS


I nam dinmun uh a niam lai a jong hingna nuosia lou, hingtaisanlou a hing umpi jing Jehova Jireh iphat ua thupina ipia uhi. Maitha leh mailui jousia ZOUKUOMTHAWM leh ZOU SANGNAUPANG PAWLPI min in ka hi nousiet masa hi.

Ni kipah uai ! Maitha hinonlou ding I hi tah man in kipah huai diah hi. Tuni apat mailui hita ding ihi hi. CHIBAI…

Hun leh tuiluang in koima ngah lou ahi ma bang in I theilou kal in kumte ahing beitou jel manta hi. I buai seng jiah hong hi kha va… tom-bou. Lamkai te ki mukha lou, hing kive lou, ichi maithei. Buaina nei ngen ihi uhi. Iki ngaisiam leh ikitheisiam mama uh a poimaw hi.

Tahsa leh sisan a um nalai ihiman in bangma perfect in I umtheisih hi. Tukum sung sepkhial bawlkhial neikha tham vai, tunin kingaidam tuo chiat vai in nui khawm chiat vai. Ikiphalnate, ipankhawm nate jieh a tambang a khawmpi thupi tah jang thei ihi lam mang ngil sih vai. Tamte ma ahi kum khat tawntung ZKT a ki thujah tuo thei a I um uh. Kipah huai chi loungal gending dang um sih Mangpa’n tu sang a petam zaw leh ha pangjou jawding in hing gualzawl ta hen.

Tam ikhawmpi uh ilah uah ki ittna kilemna, kilainat tuona te ilah uah hing puah taleh chi ka thummna ahi. Ki ittna loungal koima bangma ba sih un chi ahi na ah tutung in khawmpi uah I leiba te pechiat leichi iki nget thupi pen uh ahi. Tua inampi uh dinmun a ngiam laitah a kumpinu Esther bang a gualzawlna ngah ihithei chiat nading un ipan thei thei na ah sangah daikai te bang in pang chiat vai. Tuochin inampi hundam ding in Van a pat in panpitu ahing pai ta ding hi.

Simtute jousie ka deisahna sang pen tawh tam khawmpi lawching ngei ngei ding in I gualzawl uhi. A nopthei tawp in ZSP khawmpi mang chiat vai izaw…….GUAI..