Zolei Kulpi

ZOLEI KULPI..
Zolei kulpi a chim jel e!!!!!!!!!!But Nationalism on the rise……..
-APASHANG with Inputs from JERU

Na ngai tua kha ngai uai??I ngai tua kha ngai ei??

Pu Zamkholian in a laa vui gel”Sunni tumkuan in”ah;”Zolei kulpi a chim jel e,luanhi luang in ka kap jel ding,ka ki nep na ………lummei bang in a jam mang ta “ chiin kaa kam a lou hi.Ahi.Zolei kulpi a chiim jel ma,Hinanleh…Dawhna lungjiin huai tah um hi.MLA/MDC/MP etc te I nei lou jiah ua I kulpi chiim mai ding ahi sih hi.Hattuam pawl tuamtuam a I ki khen hang a I kulpi ki se dim sem ahi lai jang sih hiA jiahpen Zolei kulpi khu Politics leh Hattuam mai alam ahi sih hi.Khotang hinkhua, Nehsuina(economy) ,Lailam pilna(Education/literacy) chi te a jong siam/lam ahi .Lamkhat a I law sap jiah a “Zolei kulpi chiimta “chia kaa hun ahi nai sih a, kinep na ding bei ahi nai laijang sih ahi.Ahin tam thubuai(Sensitive issue)gil tah a suut sawm ka hi sih hin,I Nampi liangvai sah a ka thei/mu thudih(kei ngai daan ah)tamlou tah lang nuam ka hi jo hi.Tuaban ah Pu Zamkholian laa kalh a tangkou jong ka hi tuan sam sih hi.

Amasa pen in Election hing nai hiai hiai ta ahi man in Election ah pan masa peen vai.MLA/MDC/MPleh adg.election hun chiang in I nam itt leh ngai naa I politician(Chi mai vai)ten nampi khual na in mipi te hing khen(Divided)ua, (I ki khen in I ding sih ding hi) I nam khan tou na ding khual na in ( ahi diei mah) Party min ahei Nampi min a hei in naa sem ua Tangval tha hat lai te Volunteer( Compulsory recruitment ahi jo diei mah thei sing) din khawm in Zu leh saa leh khamthei chi tuam tuam toh vah in Zou miman sung ah khat leh khat melma et in ki en sah uhi.(Amau hamphat na di’n).Politics(may be money tics )jiah in I nam sung ah kikhenna um hi.Tam Election jiah in I politician te’n(chimai ngai ta va) Zolei ah Chi (seed) hoilou kikhenna chi /tang hing the/tu uhi. Tam hiachi in I nam sung hing jel in a nua guu sawt tah um in I man a khan ding bang in khang tou thei lou hi.Tam hun chiang in I sangam ten(I chi daan uh)I lah uah Divide and rule chi hing the be in I lou maa uh kuulsah sem sem hi.

Eimi ten MLA(MP jong chi da kontai)Election mai mai khu politics I sa ua , I political goal lianpen jong Singngat constituency (60/sgt/AC)a MLA hi ding chi ahi jingh hi.( Ihi chi jiah ua hi chi hi kon vai in ,hichi lou lei hi chi lou ding hi hai a maw??) Delhi University Political Science Department a Profesor khat in hichiin geen hi.”Politics khu Solkal ki vai hawm na mai hi lou in Nampi khantou na ding a siamjil na ,neh le tah sui na khotang j\khan tou na ban ah mimal khantou na tan jong huam pha hi”chi hi.”If Economy is Strong,Politics is strong”.Tua bana ah Politics hoi peen I nampi laipilna/Siamjilna (piah) ahi. Ei lawi Politician te’n MLA(Power) a lung gul daan uh et in Minam ittna/ngainatna um lou in lang hi.(Um lou pet ma,chiang khop mai).Tam Politics ziah a I ki khenna chi in I Nampi(Zolei kulpi)liang vai sah hi. Election kichi thuteng ka huahi,ka minam a khen a a su liangvai)

Thil dang I nampi liangvai sah khat kia hai leh Hattuam ki daidan na /kulmutna ahi.Hattuam pawlpi tuamtuam I tam na tah uh hin ka mu hi.(Denominational intolerance/Policy of Denominational expansion within our Churches). Zopatong April 2006 issue ah Zou momnou bang ja ahei khat ten mipite,Hattuamte leh a dangdang te kung ah nget na (Appeal)a bawl ua Hattuam Sanginnte pua phat ding leh Co ordination Scheme siam tha ding in hattuam te kung ah nget na bawl uhi Tamtoh kisai in tam lai ka gel tan in Hattuam lamkai te a pat kipahpi na/lemsahpina (Possitive response/comment) aw gin jah um nai lou hi .I hattuam lamkai kuulmut te lungsim kuulthu tam bang ahi lel hi. Tami in khota neu te puaphat na ding Hattuam lamkai ten lunggulna a nei kha sih uh chi chiang tah in mu thei in um sah hi.Tambang a diei le hattuam lamkai te lungsim??I minam liangvai(Zodawn)khotuana a nei ding uai??chiin lung geel ka nei hi.Hattuam pawlpi tuamuam a I ki khenna in I khotang uah ki khen na mai hing pe lou in Hagaulam khan tou na sang in kiah ngiam na (negative implication)hing tun jo hi Ki khenna khat pou pou in a hoi lam sang in a hoilou lam hing pe tam jo hi .Hattuam in Nampi khantou na ding toh kisai in bang ma mawpuah na nei kha sih chi thei bang ki um nalai ei guai!!!!!!!!

Doctrine pansan a pawl tuamtuam te ki nial na ,Pastor te Sermon nate in hagau a ginna neu te ginna nasa tah in subuai pha hi.Tua bannah Hattuam lamkai pawl khat ten Denomination I tam dung jui in I man in hamphatna nga/mu chin geen uhi.Adih na chang/chiang jong um kha na va. Hinanleh Nampi dam na dia poimaw pen ki pumkhat na ahi chi ki thei maw bawl nalai paupau uhi. I laisiangthou in ki khen na a hanthawn/lemsahpi(encourage)lamka mu kha nai sih a um ding in jong ka ging ta sih hi.(Hinanleh Hattuam lamkai te ngai sang na lian pen ka nei jing nalai hi.)Correct me if I am wrong.Tuaban ah I Nampi vang siat sawnsawn na ding in Phung-le-tang ngai nat na leh tua jiah ma a ki dai dan na I nam sung ah hing khang semsem hi.Be-le-phung a ki dai danna I Hattuam sung leh Nampi ki vai hawm na sung ah hing um ta hi.I mi nam mawl a din tam a tung a I geen te tengteng jong hun tawh mama hi lou amah???LAmkai te aw huntawh na sa nai sih u e???I hattuam te uh leh I bieh uh PAsian pen uh Politics galvan leh Sumsuina(Commercialised) I sua sah u atai?? I bieh uh I Pasian a lung awi na diei??.Tam hattuam pawlpi tuamtuam tamna ,Be-le-phung ngai nat na I nampi khanmaw bawh te lah a a bawh lian loi hin ka mu hi.Nou bang chiin na mu uai Sangam???

Tua bannahi nampi natna hit lian peen in Zodawn lam nelsiana hi in ka mu hi.Literacy sang in Literature I ngai sang jo uhi.I minam dam na din Zodawn lam a khota neu te pua phat/khantousah (Rural Development) leh Laipil na piahding poi maw hi. Nehsui na (Economy) leh Litracy galvan a I Zodawn te u I thuam uh poi maw hi.Gamkhang tou ten Khantou na dia Kalbi masa pen Zodawn khantou sah ahi lam ana thei hoi ua tam na din a gam solkal leh hattuam ten pan nasa tah in laa uhi. Eiten jong I Mission Skul te uh pan san in Zodawn I pua hei hi.Zodawn hattuam skul te pua phat na ding Hattuam lamkai te lei baa (Mawpuah na hilou) hi in ka mu hi.Tam Mission Skul te suh vah/tang sah a a vah in Zodawn mial a taan vah ding poimaw hi.

I nampi liang vaisah Politics a lawsapna(political failure),Hattuam pawlpi ki khenna,Be-le-phung ngainat na leh laigeltheilou/simtheilou na hi in la mu hi. I lamkai te un a thei ding ua hoi in Politics leh Hattuam pansan a minam khenna pen amau te Nasep ding ahi sih a ,tua sang a minam gawm khawm ding khu a na sep ding uh hi jo hi in ka thei hi.(A duty must be Performed).Hattuam khat a ki gawm(Unification) ahi thei lou ding a ahileh lungpi jo sem I kua aua Nasepna lamsang a pan khawm na (Unity in Ministry)ding vai guanhing siam uleh a dei huai hi.

Tuabannah I Innsung ua ki thei siam lou na (UZO leh Tangvalte kal a)jong suh veng hun mama ahi ta hi.Tam baantha ni kal a lemna um na ding I nampin a tulmaw masaapewn(need of the Hour) leh a poimaw pen ahi.Zou nam khantou na ding a naasemtua ahi ua ,a ki nang tua un a hoilou lam tun jaw(Demerit)mu thei in a um a a chiang khop mai hi.(Tam pen Imm gual lou ahi jiah a ka geen ahi jo hi.)Tam Party nite gup tuam leh pai tuam ka nei sih a ,Tangval leh Migun Nam ittna /dan (degree)kibang lou ding ahi chi jong thei sa ahia.ka thei siam hi.Ka geen ut pen ahi le Zou Minam sung aki tuah lou na /kitheisiamlou na leh kiamsuh na (degeneration) khang semsem chi ahi bou hi..

Nampi Liangvai sahtu khat khu mimal a din jong liangvai na ahi hin,I minam tung a I maw puah na(responsibility) khu nampi humbit(safe guard)ahi.I Nampi maban ding ei te khut ah ki ngai hi.Zou minamsung a a mawl pen a pat a pil pen,A hau pena pat a jong pen,tua leh Zoudawn apat Zokhopi leh Vanuai buppi a Zou Minam um ten Nampi Ittna lungtang a nei zing na un I Zou Zou Nampi’n maban ki nep na umnalai ahi chi hing hil hi.Tam ahi Zolei kulpi Chimta chia kaa kam law hun nai lou ahi dan hing thei sah/hil. Nikhat ni chiang in Laiteng leh Laipil na galvan in I hing ki thuam ding ua mial gaal I zou ding uhi.Tuachiin Zolei in KHOVAH a mu ta ding hi

I nam kulpi Lam na in m sawn jel hi.A peisa April lha nisim Khatni Kum Sangni leh Guh a Hattuam mi ten Ann ngawl a a thuum khawm na a nei uh,Nute-Pate Mitlhi senna te ,Singngat khua a Zoukam jang Hattuam tuamtuam a Misiangthou ten Good Friday leh Esther Sunday Pawi a man khawm nate u, I Patong uh Kumkhat a chin na te in(A dang tampi um nalai) I Nam sung uah ki khelna(Transition/Reformation)hing um ngei ding ahi chi mu thei in um hi .Tam ki khel na (Paradigm Shift)in I Nampi khantou na ahing puah thei na ding in a kot lianpia hong in I bawl thei sun sun uh pilna siam na I nei te ua pat ahoi peenpen te I mu thei na ding un manpha tah in jang chiat vai.Tua hileh Mitem “Gualjou te et lawm sam me izo ahing chi ta ding uhi.

Tua chiin JAWNNA GAAL(war against Poverty)ijou tading uhi.