zodeih gupllai

Tuesday, May 20, 2008

ZOLAUKHA HING PALLUN NA DIN- ZODEI GUOLLAI AH

Shang Samte

Zo mi lou na lwi na pai ten ‘Nang nu/pa mawng mawng Zo hi mawngmawng vateh. Kahing thei hi. Kang thei na khat um’ , ‘lawm zote hi va the maw?’ ahiei… (blah…..blah ….) ang chi ngai uai?? Hing chi ta le uh bang chin na dawng diei?? Zo nahi naki zuumpi kha ngai ei ? ZO te ding in siam na chia,pil na chia ,maw na chia bang na chia hing ki chi leh na lung a thah diei ??? (A dang dawh thei ding geen ding tampi um nanleh hitan in hunsah phot vai maw???.)

ZO la ate nou ngai thei vangei nasai?? A dangte ngai lou gil lou ka chi na hilou in tam a nuai a laa ngai seng ka sah man in kang tah lang hi. A phuohtu, asatu,a producer te jal in Pasian min ngainou ka pahtawi hi. Lawm aw, ana sim suah inlen ana kingai tuo mawngvoi??? Bang bang pi na ngaituona ah ang um ei??? Pu TT Thangpi ZO ham jang siam diah ka sa a , alaa gel hoi ka sa a ka ngai chim thei sih hi.Pu Josheph Suanlien, a ‘aw’ ngai sa in ka bil haa ah a thaam den hi. A picture jongh Zogam mun tuomtuom I tawndaan te bangte ban ah Malaysia ki kap hinalai !!! Gen seng siei. Ana en mawng voi. Kei na bah leh bang bang e pi ngaisun va teh chi ing .

ZODEIH GUOLLAI AH
Phuo : T.T. Thangpi
Sah : Joseph Suan Lien
Limlah : Mihon
Producer : MALAYSIA ZO INNKUON (????)

Tanglai Pu ZO hun a ki pan Tutan vei downg lungzeei sieng ih kibuol zie un
Mite ha tung kaa in gamdiel khai zouta ZO vontowite a mi za lai ah
Ih nammin talowm mansou ding ii ZO vontawi aw

CiillaiI ZOLAI simbu sungh ahh jong, siem thei chiil hawn
ZOHAaM ham sa ci’n giel uh Sangam haw ding thei haa telh haa nan zong leh
ZO vawntoite ii towngsuo hi zumi sih vai Ei a ding aa sien dei hibou

Pu ZO suonte ih nam min uh kem ching vai Ih ZOHAM zong zumpi sih vai
Ih ZO tangthu sut kia vai ZO deih guollia ah Pu ZO vontowi te ih hi vuh
Sien ciepte sa ZO deih nam min Singdang guol aw , ei theipi ta vun

ZO vontawi Sienmang leh minam a ding in Pilleh siamna ittlou in ZO mun zuonvai
Na zowng zawng in nahau zong in Ih minamin tuolkhiet theilou in
Zumpi sih vai a towpna ah ZO, ZO ihi ki khel theilou

Pu ZO suonte ih nam min uh kem ching vai Ih ZOHAM zong zumpi sih vai
Ih ZO tangthu sut kia vai ZO deih guollia ah Pu ZO vontowi te ih hi vuh
Sien ciepte sa ZO deih nam minSingdang guol aw , ei theipi ta vun
(4.22 Minutes)
(with apology to the copyright holders)

Tam a tung a laa a video a a subtitle dan tah hisih nanleh ahitheitan in ahi bang ka jangh hi.

Tam laa in Zo mi laa phuh/sah siam I pu I pate ban ah Pu Thawngpau, Pu Toulpi, Pu Thangkhanlal, Pu Zamkholian, Pu Thangchinkhup, Pu Khamzakap, Pu Mangzathang,Pi Bawiniang leh a dangdang te ban ah I laa sah siam tuamtuam tampi te ka lung ah ahing ki lou sah hi. Amin te uh I gen/giel kim jou sih a ang ngai siam uh jong ka ngen sawnsawn hi. Amaute jal in I ham I kam te thuh daan ,gildan kilawm dante I thei be a I bieh uhi

Genbe nalailai leh Pu TT Thangpi laa in tampi a koval a, a samlap in a bawn in a geen sieng kei phiel hi. I Pusa bieh dan te a hing pan in I nam in man suo lou ding daan, Pasian in eite a ding a a dei ahi dan,I Zo ham,I tangthu,ngaina te uh juun tha kia ding a poimaw daan te tan a bawn in a gensieng kei hi. Tuoban ah thupi ka sah dieh in “Pu ZO vontowi te ih hi vuh,Sien ciepte sa ZO deih nam min,Singdang guol aw , ei theipi ta vun” chi’a hang tah a a geen ngam mama ahi. Tulai ham hileh Gum kasa a, Paa kasa a ,thupi ka sah ban ah COOL kasa dieh hi.

A rejoinder jong hithou, komen jong lah hiveve chi dan in ken jong tamlou kupbe ut ka nei hi. Bangma aki jopna, aki bang na um vateh sih nanleh ka lungsim a um tamlou ka gel khiet man teng giel leng ka ut man ahi jo hi. Ki suanglaa loutah in aw…..

Ka ngaituo leh ZOte pi Literachal,Kalchal chivel a hausa mama te ihi uhi. I pu I pa te hunlai toh te in tuhun a khangnou te I Literachal,Kalchal chi te a nausen bang giep ihi ta uhi. Ka chi na in I pu I pa ten ‘Thu khu Laa ahia,Laa jong Thu ahi’ ana chi uhi. A thu a a genkhiet ngamlou uh, a gensiamlou te uh laa a ana saek lel dan uh ahi. Eiten tuabang in I bawl thei ngel na ding uai???? Bai sa kikhaat mama ding hi. Kei ngel jong I laahaam te a mawl mama khat kahi. Nanleh ka ngaisang thrapz. Thei kim vateh sih nanlengh. Saanneem laate bang bang a geenna e chi I thei lou, I matlou tamta hi. I pu I pa te vang Genius mawngmawng uh maw??? I Literachal,Kalchal leh a dangdang toh kisai deu tam lou ka mai khah dandan in ka ngaidan/du thu saam, ka sunmang te hing lui khe mawng vong. Bang ngaidaan I nei ding uai mah. Hoi nang sah pi ua,thulah tah nang sah uleh aban masawn ding daan sui khawm tou jel vai chiin hing chiel ing. Ban ah bangpi hisih,aki geen geen sa hi na chi ua ,ahisih leh a dihlou a kimlou a um khah jenjen leh kiphalam lou hial in hing kum mai un aw??? KOI.

A. LITERACHAL ah :
1. ZOLAI nidang lai a savun lai a ina kep uh, I Ui ten bangjat ahei ang na ne pi uh,amang bang a I koi uh, Pasian in amangden ding phal lou a Pu Siahzathang tung tawn a ahing pieh kia I ZO LAI MAL uh (A, Ba ,Ou ,Da ,Li, Ga,Pa,Ha,Fi, Na, I ……….. Za,Y ,Laa.) te simtha kia in thei sawm chiet lei bang a chi diei?? I Mison Sang Innte uleh I Gam ua Sang Inn te ua kompolsari sabjek dan in ki koi thei leh bang a chi diei?? Sang kaa nonlou te a ding in ZOLAI sinna ding SangInn khat mawng mawng kiphut/hong leh….

2. LAA BU : I Laa Bupi,Laatha Bu te uh ban ah Khanglai te Phatna late(a khanglai laa deute), Mipi kikhop chiang a I sah uh late,Pasian phatna a laa ki phuah te,kisate(audio keset,CD leh adgg. te) ban ah I Laapawl te uh, khawp thei tan ki khawm hen len abu in a tuom tuom in ahilou tawp in bukhat ah kibawl thei leh (compile), chipen, LaaPawl teng a tuom ah, Naupang laa a tuom ah,khanglai laa a tuom ah, ki bawl thei/jou leh… Tuoban ah I Gamngai laa teuh jong a tuam in ki bawl hen len, Zawl laa/Ki Itt Ki ngai late/Guollel late(????) a tuam in ki bawl leh… LEENLAI LABU kichi khat jong ana ki bawl kha ta hin ka thei hi. Tuami banjom ding in Zawllaa a tha deu teng Leenlai laabu a tuanglou laatha ki siamteng bukhat ah ki bawlbe leh.. Leenlai Labupi ban ah Leenlai Laatha Bu jong a um thei veve ahi. Tuoban ah ahi thei tan a I siam dandan a laa I phuh uh jongh sil hoi nou khat ahi. Ahin, laa phuah,siam chivel mijousie bawl thei vang ahi sam sih hi.

3. LAIBU / THU : (A) I Taangmi te uh : Namlui leh nam Upa ma ihi ding uhi, taangmi jong I haw leulou uhi. Tamte Ipu I pa ten ahing nuasie uh GOU MANPHA ahilam I thei uh pawimaw hi. I taangmi (mythology) te uh abu a I bawl hunta ahi. Ahilou leh Ki manghil siang man ding ahi. Gente na in Khupching leh Ngambawm te tangmi bang, Lengtanghoi tangmi, Mawngphung bawtpa, Lamdil,Galngam leh Hangsai leh a dngg. te bang gelthu a koi hun ahi ta hi. Pu Phillip Thanglianmang in Phudil leh Nantal Tangmi a giel khia a, silhoi mama ahia, chiin tah ka sa hi.
(B) Eiham ma a laibu tuam tuam tampi I gel uhi tulai literachal gal hun ah poimaw ta hi. Pasian thu toh kisai mai hilou in lamchin teng a jong I bawl ua, I gel uh hunta hi. Laiteng a gal dou I pat lou uleh I ham I kam uh shi thei ding hi. The Outlook Magazine ka sim khah na khat ah(a issue nambat vang thei chet non sing…) eima ZO HAM jong ham mangthang ding a kisa hamkam te lah a khat dan in a geen a ka paw naa hi. India maimai a ham mang ding a kisa a sing a sim um ahi lam thei in I ham I jong tuote lah a khat ahia, I SAVE thei na ding in I khut gel, I kam ham I jah ngai mama ta ahi chi manghil sih vai. Lai giel ding in ki han thawn thei chiet lei daahuai lou ding hi. “Koima a siam sa piang ki um lou ahi ban ah Resars bawl te mai lai giel thei ding china um tuonlou ahi” chi ka ngaidaan ahi.
(C) Tuhun ah midang te literachal a I phah thei na ding un midang namdangte lai gel te jong a tam thei pen a I le(translate) uh poimaw hin ka mu hi. A diahdiah in Mangham a ki att,laibu tul thei lou tampi a um a tuate bang eiham in nei thei lei a dei huai hi. Drama chi bang bangham bangham hitaleh let lei I literachal in hau law mama dinghy. Tuoban ah ei ham mama in drama ,play chite bang giel lei val lou ding hi. I gel thei dandan a I gel uh pen I tu I ta khang a ding ua a GOU uh hidinghi.
(D) Ka Sangsia te uh khat in chiemnui thutah in ‘Naga ten Research ha bawl a bawl in Kuki te history a tha sah uhi’ a chi ahi. Tambang pen tulai laigel khang ah sil hithei ahi man in a hunlai pet in ahithei tan in research bawl in I Minam, IHam te tung tangh haa gel in giel thei lei maban a I khetbu hilou in I neh ding ki khawl I hi ding hi. “Unau Thadou ten laa haa phuah seng uh Gangte te’n laa a phauh teng uh Thadou ham a na um jou siang ta , a phuah ding uh um non lou, C Lienzapau khat ana um kha sih leh….” Chi cheimnui na khat ka jaa kha hi. Sil hihei veve khat hin ka koi hi.
(E) Tulai a hamphat huai na khat in Laibu I bawl jou lou tawp in jong News paper te ahiei ahi sih leh Internet chite ah lai I dei bang un I giel thei ta ua, I laigel te uh mi mu ding in I tah langh thei ta uhi. Tamte ahithei tan a ki hasuan ding ahi ban ah a bawl ding daan jong I ki hil uh silhoi ahi. Tuaban ah tam Internet site te ei ham ahi pou leh thu namanlou pou ,milim pou etna sang a I sim uh silhoi ahi. Tuachi leh eiman jong ki phattuom pi mama ding hi.

B. KALCHAL ah :
1.I Tawn daan uah: Tulai in Western kalchal in eima neisa I kalchal kit up tah te nahpi tah in a ne sie a, a Susie hi. I kalchal pen western kalchal lung in a khawn ding kuan ahi ta hi. Tamte pen ahithei tan a I dou ding uh ahi. Ahisih leh kalchal bei,mangthang a ki um khong ding ahi. Ahin tulai leh nidanglai chi khat a um veve a tua pen I buh siam mama ding uh ahi. Ahilou leh ei leh ei ki tuisa buah I suah thei ding uhi. Khristian I hi vang ua Pawi bawl thei non lou, Ton thei nonlou china a um sih hi. Khristian dan a jong tongh thei a pawi bawl thei ahi. I sakhuo un I tawndan uh a suhsiat lou ding ahi. Ahin,kit hoi,ai chi vel I sakhuo u toh ki tuoh nonlou ahi man in I tawp san uh sil sia ahi lai jang sih hi.I Ginna jal ua ahi ding mawng ahi. Tamte I theisiam mama ding uh a pio maw ahi. Ahilou leh Tulai I chichi uh jong I chi man umlou suah ding ahi.
2. I Laa te uh jong I kepbit uh poimaw ahi. ZO ham in a pumpi a gawm in Laa chi tuam tuam,kai daan tuamtuam 16/17 bang a um hi. Ton laa ,shimai laa,Toumun laa, jangta laa,…… laa kaile leh a dngg. te bang ahi uhi. Tamte I pilvang lou a pan I lah ki lou leh bei mang mai ding ahi. A sah dan a kai dan a thei a um lai pet a a mang thei nonlou ding a Record khiat a koi hun ahi ta hi. Cultural Song I chi chiang a Jangta laa leh Laa leh mai mai sah thei ding hi khol lou ding ahi.A diei??? Tuo ban ah tulai a I Tapidaw late te uh jong nidang alai a I Pu I pa te laa kai a kai thei veve thou ahi. Eima ham in,eima laa toh eima laa kai a kai in I Pasian uh phat lei Pasian jong nuam dieh leh kilawm hi. Nuam dieh ding in jongh gintat huai hi. Kei mai hilou, midang tampin jongh tambang ngai dan nei uhi. Ei lah ah ka thei phah tan in Pu Khamzakap in Tapidaw Zaidei Awi Pawl chiin mapan hi. Etton tah ka sa hi. Tuama bangin LEIDI Party te jong pah tat huai uh ka sa a Encourage mama ding in hoi ka sa hi. A School bang hongh thei tuah ule dei huai kasa nalai hi.
3. Upa ten ‘Mihing luang leh Dawl luong mang lou’ a chi bang gual un I pu I pa te pen I mang hil a theiphalou a I um mawh pen silhoi hilou ding hi. Khenkhat in Lungneu huai chi bang ngaidan a nei mai thei uhi. A lung neu man uleh a mawt man uh hiva ka chi lel hi. I pu I pa khang thu. Ei khang thu te I thei mama ngai ahi. Pasal geenlou Numei in jon I thei ding ua hoi ahi. Tawndan khandan, khang thu, I piandan I meendan te I thei ngeingei ngai ahi, singhawm suanghawm a piang ihi lou man un. Tam jieh a I pu I pa ten PUSA a na bieh ih ahi. Ama khangthu theilou khu mimaw leh mibanglou ahi hi.

Tuoban ah, thu dang kia khat ah , ZO te Sien huai lou I ta diei, bang paap khat jong a diei Kawlgam leh Vaigam ah I um ua(Bangladesh ah jong ki um nalai hi) deibang in I gam solkal kibah lou jieh in GAP a um a tuajong a kinthei lam a suh mat ding sil hoi ahi. Hattuam thu in bang, Thu leh laa ah bang I ki nai un iki gawm thei uhi. Laabu kibang ,Laisiangthou kibang bang tawi thei lei ki jop mat thei na thupi tah um ding hi. Tua hileh I khan touna rate uh jong tu a sang in ale li ale nga in khang ding in gintat huai hi. Khat tang in khat dingthei ding a, khat min in khat chi jong hing um thei ding hi. Tuo hileh Zogam hing pallun ding a ki muan huai mama ta dinghy. Tuoban ah Pasian jal in PU ZO suonte jong khovel ninglii ah I um thei ta uhi. Tamte tengteng ki khaikhawm na ding in International Zo Forum chi bang din khiat hithei leh a dei huai hi. Tua hileh Political movement bang jong thupi tah I nei thei ding ua , I neisa uh a shi bang a um, I phawh ding kal ngah laa I Zogam jong thang pha mama in hing gual jawl ngei ding in lam et huai hi. A nai??? Hina maw??? Tua hileh Singneimi thupi tah jong I nei thei tading a,jong I poimaw non sih ding a,a deihuailou dan leh a hoilou dan te ing thei ta ding ua i nei nonsih ding uhi.

IN GOD WE TRUST ZOGAM chithei talei I Pasian uleh I Tunnu Zogam jong nuam samma ding hi ven maw????????

Nang leh kei jal in ahi thei hi. Ahi nai???? Hina lou amah?????

…………Pu ZO suonte ih nam min uh kem ching vai, Ih ZOHAM zong zumpi sih vai,Ih ZO tangthu sut kia vai,ZO deih guollia ah,Pu ZO vontowi te ih hi vuh,Sien ciepte sa ZO deih nam min Singdang guol aw , ei theipi ta vun……………….. ZO vontawi Sienmang leh minam a ding in
Pill eh siamna ittlou in ZO mun zuonvai ,Na zowng zawng in nahau zong in ,Ih minam min tuolkhiet theilou in Zumpi sih vai a towpna ah ZO, ZO ihi ki khel theilou…………………………….

Read more...

mthers zopna


A CHILDHOOD MEMOIR

By Shang Samte

(Based on a real life incident and with apology and good faith, not to make someone uncomfortable or embarrassed and not on any means of personal.)

Tuuh tui kiat lai tah hiin ka thei. Loulampi teng a guatui te leh daitui ki gawm ten a nal sah mama a, pilvangtah a pai lou te a ding in kheng gu taa keh thei na vai ahi.

“ I......eahhhh!!! Ka jau Nu Nu ei jau sam ing ei eeeee.....” chia ki kou aw ging khat ka jaa a, bang khat hi ding ahiei chiin kei jong kin tah in ka va nai phei a ka et leh ... Vawt kaunei jau a kikou ana hi giap hi. Ahi. A jaulou te a ding in vaang bang jong ahi sihma a a jau ngalter a ding in ahileh mawh konn thei na ahi. Nuisat in tuo Vawt ka va lah khiat sah hi. Tuo hunlai tah in kalungsim ah ka neulai ua ka tuah khah sil khat ka manghil theilou ahing kilang hi.

Paa pou hunlai khat ahi. Ka naupang mama nalai ua, nikhat ka lawite toh suinlai in chiim ki sa seng in paa sui ding thu kang geen khe kha ua paa sui ding in bawm khat chiat ki puoh in ka kuon nainai ua,lampi ah ka houlim suh ua ka ul mama mai uhi. Maujau lam ka chi uh ,ka kho hang lam ua kuon kahi uhi. Bilbawh ka tun un paasui ding in gamlah ah ka lut chiat ua paasui kawm in ka ki hou limlim ua ka gintatt sang un paa a tam maa ma mai hi.Papaah,Paatung chite pou hun nailou khat a diei ka thei vateh sih hi.Paanai sante, Paakep,Paasuonglum,Paa ahtui chite leh a dang tampi ka mu ua hinanleh ka gintaat sang ua tam jaw ahi man in Panaai Sante maimai ka laa uhi. Ka Paakep te uh ,ka Paa Ahtuite uh ka mawh pai mai ding uh paammai ka sa ua hon ni inka ki khen ua ka ki dou/sep tuo uhi.

Tomlou kal in ka galvante uh hing bei ta ahi man in kaki khawmkhawm kia ua innlam jawt di daan ka hing ngaituo ta uhi. Vaan a niim sim a guo ju ding a bang hi. Chiang kawt khat ka hing tun un a daam mama mai a ,a dap jou kei hi in ka thei hi. Awlawl in ka vah lele ua lamkiim lampam ka daah kiukiau nalai uhi. Paa Naisante aki mu be kha ei, ahisih leh Paa Suonglum, inn tung chiang a em ding ahilouleh bu tung a up ding chiin. Thakhat in a nukhia lam a pai ka lawite uh khat ang peng ta vevo hi. Bang thu a tai chia ka va nai bawl chiat ata uleh ka lawipa uh Vawt jau ana hi dan ahi. Jau tham jong a ching ma hi. Naate lianpi khat ah Vawt kaunei ka chu uh a dim tah in ana um a tuo tengteng pin ka lawipa uh tawp sawm a ana liah sawm uh ahi tazang hi. A tam mama a sawmlii sawm nga beh pha va ka chi hi.A neu jaw tuom chi ding jong a um tuom sih a hoi tah a aki saan chiang ngel uh khap tantan bang a ki jaan jou va duai uhi. Bang lawtheilou chiin ka bawn un ka mawh et thaw ua, bawl ding pen thei lou in kou ma leh kouma ka ki et thaw mai uhi. Ama pa lah … zau ta seng in bawng nou ki diang a bang tazang hi. Ka nua ngaituo a tuoni khu ka mit haa in a mu nalai hi. A bawm a a paa puah te nasan atheipha non sia a ki diang in a ki dian thaw a a peng jah mai hi.

Nitah in Inn a tuo sunlai a ka sil tuah uh ka ngaituo a ka mit ha a aki luai den a ka ngaituo kha kha a ka mit haa in ka tha mu kiakia hi. Ka um daan a ngim thei sih a uinou veisan khum a chi te uh bang hi ding dan kahi.(bang chi na tah a diei vang tutan in thei chiang tahtah nai sing). I mu thei lou in ka ki piapia a ka nu jong lung dawng in bang ahiei khat a dihlou um hiding a giing taa hi ding hi ven awl nou tah in ahing kaina a, “ bawi, a bang chi na hiei???... bang dia I m thewilou a ki piapia na hiei???” chi in mei ahing heh sang a “awleh uilii khat hou um amah leh” chiin ahing vel a , ka maisuo a mu in a lun hi maw a, ‘bang chi na hiei, a jauna mah?? Bang ahiei geen in” chiinahing koi a, tuo chiin ka lung ahing muangdeu hi. Dam tah a ahing houpi na ‘aw’ te tuni tan in ka jaa thei nalai hi. Tuochiin suun lai a ka sil tuoh uh, ka jau dan te , leh ka mit haa a aki luai den a manghil joh theilou kahi dante ka geen a, ka mit ka siin chiang a mu paipai kahi daan te ka geen a tuochiin aka nu’n aw dam tah in ahing heem a ahing haa muan hi.

Tuo jaan a ka Nu’n ahing he neem dante a thuteng tengteng thei non sih nanleng tuni tan in ka bil haa a amang thei nai sih hi. Kanu’n ahing neem nate jal in ka lung a muang ah nuam tahleh muang tah in ka imu thei ta hi. Ahin atuung in vang tua zaan a Kanu hing heneem dante, ahing jaw dante leh kei ma a lung muantheina,jau nonlou a ahing koi thei dan te, a kam sua te a lung muan huai daan, Itt tah a ahing kep dante leh jau leh lugmuanglou a ka um ding ahing phal lou daante, ahing concern daante leh a thupi daante ka theisiam pai nai sih hi. Ahing khual daante ka geen siam thei sih a geen kim thei leh geen chiangthei in ka ki koi sih a, ka tuah dan te leh ka geen khiat daante ka tekah chiang in kikhia kasa a ching laa ka saa a … ka thei mama a lah ka geen khe thei sih a ka geen kha thei sih hi.tu chiang in ka thei sam panpan a ka theisiam deudeu hi. Tuachiin, Kei Nu bang Nu dang um ding in ka tuot sih hi. Jong ka gingta sih a dih ding in jong ka ki koi a ka ki koi nalai a kaki koi nalai ding a kaki koi den dinghi.

A kum tawp lam ahing tungta a, ni khat bu vuo a tha chiel ding(bu sat ding) ka hi uh chi ka thei a ka tha a lawp mama hi. Pasian jal a lou jong ki kuan guge sam lou ahi man in ka nu ka pa ten hing theisiam in ka thalawp na bang in phal tah in ahing kuan sah uhi. Kei mai hilou in ka lawi leh ka paiten jong ahing thalawp pi mama ua ka bawn un ka kuan ta uhi. Na lah ki sem thei nailou ahiman in sunlai in Lawi ching kawm in Thuivai ah ka va ki mawl ua, sun nisat lai tah in ka va kisil tadi laijang uhi. Tamkhawp pha kahi man un kaki mawt thutuah ua, tui jap thei tahtah jong umlou pi in Tuilii lam ka nai tamawh uhi. Tuilii ni kikal a a geng lai tah, tui hat nalia tah a a lui ka kaan sawm ua ,bangma jauna ka nei vateh sih uhi. Tuilii geng laitah ah suang pheng lianpi khat a um a a tung lam lah thuh pi a hia, anuai lam jong mautawn tum khat ahi hi. Tuilii mai hilou in Suang kuo lian mama jau huai pipi jong um ahi nalai hi. Lui gal kai ding chiin suang khat a pat ki diang in a gal ka baw tahi. Ka tha in joujou nailou hiding ahiman in ka gal kai jou sia ,tui in ahing taw suh ta hi. Tuachiin jau seng in ka phe liplep kei a ka ki mai a kaki dinga a tui ka beng a, Tuikia suah man dehtah kahi tahi. Tuachiin ka lawipa khat in thakhat in bangma jong geel non sese lou in a hing baw suh ah, ama kei sang a lian jaw ahi man in a hing hunk he jou a a paam lam ah ahing sep khe tou jou hi. Hinanleh ama jong keima bang a tui jap theilou ve ahi man in a ke kia ta hi. Khat diang suh kia in a baw kia a ki man tuo in a nini un tui lii lam juan in akisual abang suh ta gel uhi. Bawl ding theilou in ka et thaw tamai uhi. Ka ki ngaw tua ua , ahun khe ding in ka ki sawl tuo chiat ua, ka ki kou haw ua ka peng jah chiat uhi. Bawl ding theilou in ka ding gaw chiat uhi. Thakhat in a hut khiat ding dank hat ahing ki lang hi. Kaki mai a ka paam lam ua Ngakuai khai ten a nuasia uh a ngakuai chiang uh ka mu a ka hah suh a ,amau gel in ana man ua tua chiin ka ki hunkhe jou nahnah uhi. Ashi sa thoukia bang in kaki ngai ua koima a ham a phun um lou in lou lam ka juan chiat ta ding deng uhi. Ka kha katam jong ka chi ngam vaya sih uhi. Tua hun laitah in vang geen ding a tawm mama hi.

Tuo jouin bawl ding ka lei sui jel ua, ka Gang te khat hing sawl na bang in lou gei a bual ka va the kia ua,ka lim mama ua bang teng ka manghil siang uhi. Kaki gintat sang un leh ahing ki gintat sang in ka tam man mam ua em thei ten gem in ka ki hawm dil dial uhi. Bu satte a man un thachial me Uisa thah deu mai a ki huan ka ne ua giva tah in Inn lam ka juan chiat ta uhi. Nitah ahinghi in Sunlai aka tuikiah uh ka hing gel khe doh kia a, ka dip ahing kaw tha hi.Ka mitha ten ahi bang bang in a mu kia a ka dip a dap vawt hi. Kaki ngai tuo a ka jau deu deu a ,ka ngaituo tan in ka jau ta sem hi. Thakhat in sawtpi lai a ka paa sui lai uh ka hing gel khe kia a KANU ka lung ah ahingkilou kia a tua chiin silt eng ahing hoi pai tah hi. Tuonia pat in kei leh kei a hunt ah a ki ha muan daan kasiam ta a, jau daan ka siam ta a, dip kuat daan ka siam ta hi. Ahin a jua thei lou, a dip ko theilou leh along bawl a amm tat lawmlawm vangka hi liang sih hi.

Laa phuah tun ‘Hau dan ka Siam ta, Zawn dan jong ka siam ta, ahing jilsah tu Khris Jesu jal in’ a chi bang gual in KANU jal in sil teng teng hui liang sih nanleh bang jat ahiei khat puah dan,lah dan,san dan ka siam ta a KIPAH THU ka gen hi. Ahin Pasian Thugen te geen daan hileh Tahsa leh Sisan a um aki hi nalai man in khat vei vei chiangin sil ei dei bang lou tah, I ki nep lou bang tah ahiei I pomthei lou bang a ahing um a I giintat lou bang ahisihleh iki nep lou bang tah a hing um a hing pai chiang in I mihing hiina ahing pawt khe jel a puah daan,saan daan a haa a, a naa a, aki laa khial kha dehdeh jel a I lah khial chang jong a um a tuachiangin eime leh eima ki gawt khat I suh jel uhi. Kaki pawh na lou in tuni tan ah,maban ah vang thei sing,Pasian jal in Kanu hing thuhil n ate leh ka neu thu mangmaw a ka thei ka tuah khah tamlou te jal in sil bangkim hi va ya sih nanleh bang tan ahiei khat, a tam jaw tham chi vang, pawsiam thei nalai in ka ki thei a Kanu tung ah ka lung a dam hi. Maban ah jong buaina te ahing tung chiangin Kanu leh Pasian jal a PAwsiamtou thei jel ding ka ki neem a ka Thuumna jong ahi hi.

Read more...

TUNNU ITTNA

Sunday, May 11, 2008


Mother's Day

By APRIL VITELLO,

Associated Press Writer
On this 100th anniversary of Mother's Day, the woman credited with creating one of the world's most celebrated holidays probably wouldn't be pleased with all the flowers, candy or gifts.
Anna Jarvis would want us to give mothers a white carnation — she felt it signified the purity of a mother's love.
Jarvis, who never married and never had children, got the Mother's Day idea after her mother said it would be nice if someone created a memorial to mothers.
Three years after her mother died in 1905, she organized the first official mother's day service at a church where her mother had spent more than 20 years teaching Sunday school.
Today, the former Andrews Methodist Episcopal Church is the official shrine to mothers around the world. On Sunday, the shrine will celebrate the 100th anniversary, giving each mother attending a special service a white carnation.
The shrine also serves as a "reminder to the accomplishments of these women and to the issues mothers still deal with today, trying to do the balancing act of being everything to everyone," said Cindi Mason, the shrine's director.
According to the U.S. Census Bureau, there are 83 million mothers in the United States. More mothers now work out of the home and the number of single-mother households has tripled to more than 10 million since 1970.
What has allowed Mother's Day to become celebrated on the second Sunday in May in 52 countries is "everyone has a mother," said Sally Thayer, a trustee of the International Mother's Day Shrine in Grafton. "It's a wonderful thing to celebrate."
Jarvis' devotion to and her fierce defense of Mother's Day could be tied to the feeling that "a certain era was passing and mothers like her mother were becoming fewer," said Laura Prieto, an associate professor of history and women's studies at Simmons College in Boston.
By all accounts, Jarvis' mother Ann was a community activist who worked to heal the divisions in north-central West Virginia following the Civil War, and to promote improved sanitation by creating Mothers Friendship Clubs.
"I would love to be like Mrs. Jarvis," said Olive Dadisman, who operates the Anna Jarvis Birthplace Museum in nearby Webster. "She was a soft-spoken, gentle woman, but she could convince the devil to give up his pitch fork."
West Virginia became the first state to recognize Mother's Day in 1910. President Woodrow Wilson approved a resolution in 1914 marking the second Sunday in May a nationwide observance.
"Mother's Day was meant to be — and still is — a celebration of a nineteenth-century ideal of motherhood, when mothers were supposed to dedicate themselves completely to nurturing their children and making a cozy, safe home," Prieto said.
Yet, Jarvis became increasingly disturbed as the celebration turned into an excuse to sell greeting cards, candy, flowers and other items.
Jarvis became known for scathing letters in which she would berate people who purchased greeting cards, saying they were too lazy to write personal letters "to the woman who has done more for you than anyone in the world."
Before she died in 1948, she protested at a Mother's Day celebration in New York, and was arrested for disturbing the peace.
The National Retail Federation estimates that Americans will spend $15 billion this year honoring their mothers. Dining out is expected to be the No. 1 expense.
In the end, Mason said Jarvis was bitter about what the observance had become and "wished she would have never started the day because it became so out of control ..."
"But when you look at Mother's Day as being her baby of sorts, you can understand her protectiveness of it."
************ ********* ********* ********* ***
Source:
http://news. yahoo.com/ s/ap/20080511/ ap_on_re_ us/mother_ s_day_centennial

Read more...

My Blog List

  © Blogger template Newspaper by Ourblogtemplates.com 2008

Back to TOP