Zou Hattuom Pawlpi lamkaite kung a laihah

Zou Hattuom Pawlpi lamkaite kung a laihah

To,

Ka jaatat leh Ka ngaisang mama Pute,Amasa in noute kung a tambang laihah giel thei ding a hunhoi leh hunmanpha hingpia ,Ahing peipai ta ding I hundampa Nazereth Jesu min ngainou toh ka hing nousiet masa hi. Tuoban ah kei jong noute hing na thuumpi na jal in tutadi in ka pha thei na hi. Innsungmi dang te leh kou hilam a umteng jong ka phathei chiat na uhi

Pasian gualjawlna lam tuomtuom ah I dawng tou jel ua lungdam huai I sa uhi. Tuoban ah Hattuom Pawlpi piching a hing siam I bieh uh I Pasian min I phat sawnsawn hi. Ahoina ,akhotuona leh a ittna loungal in tamtan I tunthei na ding lampi dang umlou hi.Tamte jiah in jong nuamthu I gen sawnsawn uhi."I nam dinmun uh a ngiam laitah a eite hing theijingpa Ittna pen kumtawn in a beingai sih hi"(Ps.136:23) chi I mu ua I lung a dam sawnsawn hi. Nouten bang na chi ngaiding uaimah theising, kenvang thupi ka sa a Amin loupi ka phat chimthei sih hi.

Pute aw, tunin na kunguah ka geen ut a tam mama a tuoteng gending,giel ding chileng saupi hi ding ahi man in poimaw kashah dieh tamlou ka hing kumnuom hi.Noute ngaidan lamasa seselou in ka hing bing gel mawh a nalung loulam uh ahi khah hing na ngaisiam a ,na ngaidan uh ahileh bawjui ngal a chiin-leh-haa toh na pang vevo ding in kahing ngen vangut hi. Muntuom gamtuom a pat a Inn lam a I pawlpi te uh ka et chiangin ka enjou sih a,ka ngaituo chiang in ka nahngeh a na thei mama hi(na lungneu na ding uh ahilouleh na lungkiat na ding ua ka gen ahilaijang sih hi.).Nou a phual a um ten vang bangma in na ngai sih ding ua ahi ding ma in jong na koi kha ding uhi. Hinanleh gal a pat a I et a I lungsim mitha a I et chiang in a puoh nat huai mama hi.. Ajiah pen a tam jong ki hilou,eiteng ma hivevo. Tuote kitheimaw bawl in Hattuom pawl tuomtuom in I ki khen nalai lileh uhi .Pawl tuomtuom a I ki khen na pen jum huai ,gengen non da tai. I khangmasa te tuga tu a ei a khangsawn te un kha(bitter) tah a I att uh ahita hi. Ka gen nuampen tah ahileh,tu in ei khangtha ten lungpi kuo tai in nidanglai ,apaisa hun pen apaisa in koi tai in manghil doh tai.Zawng hima nei bang in thamtham /khoikhoi nonlou in damsiang sah kin doh vai. Apokrifa te,Lutherante,Pres te,chite pen niinbawm(dustbin) ah niin tawh baw mang dawh vai. Chi khat,namkhat,U lehNau, be khat Innkuon khat I hibou hi. Ki khenkhen nonda vai. I kal ah Pal phutphut nonlou in vat siang in lampi sial jo tai. Eite ki khen khen sih vai,Pasian in hing khenlou hi .Sunita Williams in a gen na ah Space a pat a leitung I et leh bang ma kikhenna mu ding a um sih h i,kikhenna pen I bawltawm ahi bou hi achi hi.Koima doctrine ah buaibuai nonlou hi.A maw te bou in doctrine doctrine a chi u ahi. Miten leitung pumpi(whole world) pen tanchinhoi genna dingin hawmthaw ta ua,Global (Vanneiy)chi ta uhi. Koi pawl koipawl chilou in tangthupha atam theibang pen a geen ding vai ki hawm ta hi.Protestant te leh Cotholic te nasan jong Pasian Mangamna a hat jo sem , athupi josem leh a lian josem a sep ding in vai hawm khawm theia uhi. Protestant te leh atant louten jong semkhawm jouthamta uhi.

Pute aw nouten na tuah kha ta ding uai ma thei sing,eite I Inn mun ua ui leh kel I bah ngongtah hang un mite a ding in bangma kham jong kihi lou hi. I bawn un ki gawm in semkhawm thei dieldiel lei miten ahing phawh pha hamham ding uai mah chi ahi nalai hi. National/International level a kisai khawmpi/Seminer/Workshop/Orientation leh a dangdang te ah vaki hal talei I ngaituona te hing se mawh in khatveivei bang ki ngaisiat huai kha jel a, a chang chiang in ki thangse kha dehdeh thei mawh hi. Bang jieh a ta diei?? Mite ki pumkhat dan, a tam dan uh ,akituoh vadiel da te uh I mu chiang in Setan lungsim hing pawt kha dehdeh hi. Psalm gieltu in "En un U leh nau ki tuah tah a umkhawm khu bang ja tah a hoi/etlawm leh nuam a ta ei??" (Ps.133:1) a chi chiam kha nailou khat hou I hi kha de bang a chi ut huai phial a koima thiepi lou in kana buai mama thei jel vanuh hi. Koima Doctrine ah buai nonlou in Eima mimal leh Khris ah ki buai jo tahi. Khrist khu Mang leh hundampa a I pom leh ahi mai hi. Sildang bangma a poimaw nonsih.Khrist I Itt a I gintat leh aban ahing um nading hi chi mite gindan,pomdan ahi ta a, jong ahi ding mawng ahi. Tamte kahing gen mawh vang in kei sang in nouten na thei siam jot ham ding ua jong na tuah kha ta mama ding uhi.Ka hing gen ut tah in Pawlpi ki gawm ding lah haa sa ta mama ding (ahi theilou vang ahi nai samsih hi JEHOVAH-SHAMMAH – JEHOVA JIREH -Pasian a um a bangkim bawlthei ahi)hi. Pawlpi kigawm thei non mama louding I hi tah leh jong Semkhawm,Pangkhawm thei sam na lou ding I hi amah?Laa phuah tu in Pankhawm hatna ahi achi dih maw lou ding hi. I gintat lou uleh vang thutuam. Apatna ding leh abailam pen ding in gen ta lei –Literature lamsang ah semkhawm lei bang ahi theilou na a um sam diei maw??? Labu,Bible sunkhawm,jang khawm in aki bang ngen tawi khawm chiat nainai lei I kal suonna masa pen hing hiding hi. Tua bana ah ki tanauna khat hing um sah jou mama ding hi.Tuoban ah Sunday School syllabus ki bang bawl in Beginner a pat Piching tan dawng kibang jang khawm lei,Text Book khat,Quiestion Paper kibang solve khawm lei hoijo tham lou ding amah?Gentena ah en talei MELC,ZCBC ten tukum2007 in Khantanhoi Johan khu Piching Sunday School in a jang uhi. Tambag in bawl khawm in hilei I laibu bawl te uh a market hing lianjo ding a a tamjosem kibawl thei ta dinghi. Tuoban ah I Mission School te uah jong Common Syllabus,Calender,Quiestion te jang khawm lei hoi mama ding hi. Banah athupi pen pen in Inter-Denomination Forum Eg.Zou Christian Forum chi bang kiphut henlen Nu Pawl,Pa Pawl,Khanglai pawl,Naupang pawl etc etc te jong khum Forum nei ah um chiat leh liau na ding umlou dinghi. Tuachin a poimaw leh a kul bang jel in workshop/Seminar/ Dissucusion etc te bang sai tou jel in Pawlpi ki vetuona chi bang kipan thei leh hoimama ding hi. Tuochin khangnou te lah a pankhawm a poi mawdan,ahoi dan te ki hil tou jel thei leh a ut huai mama hi. Awareness kipia in Campaign huaise deumai Socio-Religious Revolution/ Renaissance bang umthei ta leh chi a ut huai ta mama mai hi. Sumleh pai tampipi a poimaw lou tata a I sensen sang in tam I gente bang ah ki seng leh theinei jo tham ding a, a ga um jotham ding a Pasian Manggam nai sepna te thupi josem,hat josem lianjosem leh lawching josem ding in ka ging ta hi.Pute aw,Tambang Sakhuo thu khautah tah te Khotang thu bang a kang tut/puohlut/gen mawh pen lamdang leh kilawm laa deu jong na sa kha maithei uhi. Nanleh tampen a lamdang ahilaijang sih a ahiding mawng leh a umsa ,atung sa silte gen kahi jo hi. Khovel khangthu te I sim chiang in aloutheilou in sakhuo thute a tel jing hi.Civilisation khat poupou sakhuo telou a um sih hi.Tam sakhuo ma in mite ahuai a a kai kahawm a hoina,siatna leh khaatna chite tan jong a tut leng hi.Clash of Civilisation kichi te khu Clash of Religion/Belief chilei jong ki khial lou ding hi .Father of Politics chithei ding khop hiala minthang,pil leh thupi Aristotle ngel injong "Politics is the highest Religion-Politiks khu Sakhuo sangpenpen ahi" ana chi tang hial kei hi. Tam Politiks leh Sakhuo pen aki khentheilou-tem leh apai ,sumtang(coin) hileh a lu lam leh a mei lam-a khup a thal bang lien ahi. Tambang ahiman in nou Hattuom Pawlpi lamkai te khu Nampi lamkai te na hi ua Nampi lutang nahi uhi. Lutang in Tahsa pumpi a thunun ma bang a mipi hattuom mite jousia thunun thei na hi va ya uhi. Tua bang ahi man in ki daang koi thei mai ding nahi sih ua maimai na hi sih uhi. Tuaban ah na maw puah na uh, nou a liu liau ahia na maw puah na uh na jo jou lou uleh nou ma a maw po sonson ding nahi uh chi jong kahing remind tha tha ut hi.Pute aw,kahing ngainat seng man,ka hing ki neppi seng man,a kagen kagel val a um leh piching tah a hing na ngaisiam mai a,akimlou,asam a um khah tah jenjen a ahileh hing na suh dih/bit sah mai ding in jong ka hing ngen kia hi. Ka ha geel/ngaisut seng man a ka gel khel khah jong um tham va,hing na ngaisiam sonson un. Banah ka thu gente hoi na sah ua chiin tah na sah uh a um leh jekai lou kei in hing nabaw jui sah pai ngal un aw. Ahilouleh hing kikhel man kha ding a I puah gih uh kibelap sawnsawn leltah ding hi.Ahithei tan in hing na ngaikhoh pi mama le uchin ka ut mama hi.

Thudang,issue dang ka gen ut tampi jong a um nalai a hinanleh tuate pen awl in Pasian hunlem ahing piah tou jel leh en tou jel mai vai.Tunia din tamtan in hunsah phot tang. Khausau seng kin uh ki chi bou.!!

Eh!! Ka manghil kha deh tah a …laijang… Hattuam mipi te tengteng,Upa teng,Ofis staff teng,Executive,Working Committee member teng,Nu Pawl,Pa pawl,Khanglai pawl,Naupang pawl leh ministry tuamtuam a vaipaw teng ,sangsye teng,Assembly,Council Palai teng teng a bawwn un Pasian gualzawlna MANGPHA hoi penpenka hah hi.Hing nag en piah teiteiun aw Pupu.!!??Ahing vei mama hi chi jong hing na chi sah ta un.

Pasian in dam na leh hunpha ahing piah tou jel leh awl in ki thujah tuo kia tavai. Dam mang na man ta unlen Pa Pasian hagausiangthou kipumkhatna hagau in hingpui jing chiatta hen chi ka thuumna ahi. I thuumna te ah ki thei tuo jing va ui..Damchiat va ui. Mangpha-Bye…

Lai attAhing ngaisang mama ,

A lengga huan a na seppi uh

KeimaMr.Tuot tuot tuo.

Near Kipumkhatna Luipi

Kipahna Khris Lengam

Date:25th Oct 2007

Amun:Khrist leh Zougam Dawkan/Sabuai

Read more...

I manghil vawtlou ding thute

I MANGHIL VAWT LOU DING THUTE


Miten a genna uah “Zouten chiang khut a sat ule sat khawmuh “ achi uhi.Tam in ki Itt, Ki Lainat,le kingaikhawh kingai poimaw I hi uh chi ahing sulang hi.Vaphual te nupa ahiai Zouvakhu te nupa ki ittna le Khupching le Ngambawm te bang a thudih le muanhuai I hi dante uh I thei bebe chiang in kipah huai in hing thathou sah mama hi.

Nidang lai in a ipu I pa ten singbul suangbul, pusa pasa na bia in ana ton ua sa aii taangaii chite ana bawl ua a k idem na uh ahi jhi.Ah bang in niteng neh tawm ding na sui ua na khosa vevo uhi.Hun hing pai jel in Innten louten hingsiam ua innma louma hing khuat in lungmuang tah in na khosauhi..Tate naute khualna jal in chin lehaa toh na pang in gim ing taw ling chi lou uhi. Mihing a ding a sepman khu Leiba ahi ana kichi bang in Bukhing me khing na kham ua sa aii taangaii ten a bawl jou ua thupi tah in na ton jou uhi.Tambang hunlai in koima midang hinkhua na phawh lou ua khovel dang um ahi chi jong a na thei vaya sih uhi.Bangma lung ngai lung geel dingumlou,pawltah chiang a bupang dim letjen a busun ding chi ana himai hi.I pu ipa tea hi le amau khovel ah aki hin lileai lltah uhi.

Kum zale chi vel masang in Mikang Gamkehte/la te (British Imperialist) tungtawn in Khantanhoi Gospel I lah uah puah tung in a um hi.Ei Zoute lah ah jong Khantanhoi in kalsang hing tawi in kum 50 vel paita in hingtung khong ho.Mikang te puahgih dawn jangkhai khat I suah mai hi.Tochiin awlawl in hing kalsuan tou jel a ,I theingailou,I mungailou hagau mangthang ding phallou a mittui naptui toh na pang vevo te ,ahing lainatpi te Thumna gaa le Hagausiangthou nasep na lamdangtah toh eaten jong awlal in I Ginna te I Sakhuo te bang ing hengtou thei ta hi.Hndampa Khrist nuojui na in awl awl in mimal chin Innkuon chin khosung vengsung chin hing jelsuohin hindanlui apath inHindan tha ah ahing jawpi tou hi.Ama ngei khu I Hundampa ahi chi muang ngam in Singbul Suong bul te be nonlou in Dawi le Kau te jong jauna a pat suohta ta uhi.Tampen tunia eiten tuni tuhun te imu thei le I tanthei na ding ua khovah hing musah a lampi sial tu ahi hi. Tuo Khantanhoi jal in Hindan khandan te le Leitung pilna te a khangtou in I niteng hinkhua ah nasa tah in hing nuamjosah in et lawm sah mama hi..Tuo Khantanhoi ma ahi leitung muntuamtuam khopi lian tuamtuam te a zin le leng le thei a sumle pai nehding tah ding suithei le summet te bawl a Khovel pilna tuamtuam sangtahtah te jil thei le simthei a theithei ding a hing puitung.Tam Khantanhoi ma ahi,India khopi te khopital Delhi a pata Zoukuom tengtengtawn ding a silhoi le thupi Ama jal a I bawl thei ua I tawithei uh. Khantanhoi Gospel jal liuliau a tamtan tung thei I hi lam manghil vawt sih vai. Dawi le Kau jauna a pat a hing laa khia a Sila I hi lou na ding ua hing tankhia a leivui lah a pat a hingkai thou a tamtan hing puitu I Pa Pasian ahi chi mang hil vawtlou ding ahi hi.

Tuobanah I hina bangbang ah ahing na pom, I leitung Pasian I Tuun Le I Juo te a hi. Nu le pa bang a hing itt ding khovel ah koima a um siha a leithei hinanle jong lei jaw ding gual hilou ahi. Laphuah siamten Tuunnu ittna ma a thupi ngai pen ua Laa tamjo thamte Tunnu ittna laa ahihi.Tuun le Juan I hi na bang bang in ahing na pom a I hoi in I siat jong in hing pai thei lou ua hing muda thei lou uhi. Tuisih ihi a pat a hing na buaipi a ei tate a ding a a tha sent e pi sial lou a hing pom nalailai tae ahi. Na mitmawna na hoilounaq na siat na khat nate muda in ensan nanle uh nang pen hing ensan theilou uhi ahi. Koimajousia in Tunnu ittna I chamkha ngeiding uhi. Ajiah pen koima Nu neilou umlou ahi man in.Sanjay Gandhi gilou in Slum a teeng a mi hinpi te tung a hahiam in tha chimit sawm in a tunnu Indira suminsia in gelgawt nanle Ta ahi man in India in Itt a lungsiat veve hi..Damlou haasat I tuah a hingna thua pi a hingna enkai jing I tuun le I juo te ei ten bang in I sangthei diei??? Sepman lah leibaa hingal a maw???

Pasian in mihing te kung ah chiindan le ngaina tuamtuam chat amau ua ding a hoi ding pen pia hi.Khat ngen akhosa Adam enthei lou in aki thuapi ding in Numei Evi pia hi.Tuochi ma bang in eite jong koima midang toh ki sukha lou dinga ahing siam hilaijang lou hi. I mi hinpi khat I mi I sa te poimawna bang le ahun a panpi dingle kithua kipawl a ki sawmdawl tuo chiat ding a ahing siam ahi chi manghil sih vai.Tuoban ah mite nuadeldel mai ding a ahing siam jong ahi tuansih a aht lou pen ding a hing siam jong ahi tuan sih hi.I theina I siamna te jahthei na ding a hun lem jong hing petuahi hi.Tampen Pasian gualjawlna haihi.Abraham Pasian Jacob Pasian le Isac Pasian jong eite Pasian ahia Nampi a hing siam a mibul hiding a hing siam tu ahi hi.Tamte jiah a kipahthu tawplou a I geengeen mai ding ahi chi manghil sih vai.Tuomabang a Ama beding Ama muang ding,kipahthu gending Ama siang a I genthei I haasat nate tun a I dei I ngai te ngen ding a ahing dei sah jiah a tambang a ahing siam ahi chi jong manghil sih vai in I Minam hina te kembit a chiing le jang a tawndan khan dan hoitahtah ahing piah te mansuo lou a gal eh ah tami suo sah ding a ahing dei ahi hi. Tua ahi tah man in miten tamte Zoute ahi chi ahing thei na dingua I ki chiamte n ate uh I puandum I puanlaisante,I laakam ngaitahtah kim mama te I tawndan kisuh mama te I namlam kilawm mamate I tuhpah,sialki.Zampi dahtal goshem….te banah le I social Institution kitup tah te enkai ding a ahing deite I hi uhi. Ipu I pa thugousia te ,innsung ki vaihawm dante ban ah I ham te I lai te kep bit ding khu I mawpuoh na ahi. Midang namdang ham le pau le laite jilsih vai in theisihvai I chi na vang ahi laijang sih hi. Thei ding ,siamding a ahun le a poimaw bang ajah siam ding ahi jo hi.Eima ham a ki giel Laisiangthou,Labu te sim in sa vai.Ei ma ham toh laite ahithei tan a gial in ki lai hah na ah jang thei lei a kembit hoimama te ki hi ding hi.Midang namdang te ham,lai ,chiindan te va ngaisang a ei a te manghil dawh chi pen siljumhuai mama le jaa lat huai mama sil ahi chi manghil sih vai.I Mot man hi jo ding ahi.’when you are in Rome do as the Romans do ana ki chi a Do what the Romans do in Zougam kichi laijang lou hi. Zoute na hi pen kiphatsahnaaheai ahiloule a hoilou lam in jang in I chi na hilou in Zong ki zumpi tuansin I chiut ahi jo hi.

Pasian in ahing piah sa I gam I lei I juun ding ,thu le laa I nei te I tawn daan I khan dan tuan bilbel te I kep a Pasian silthawn piah le gualjawlna luanglet ahi chi mang hil vawtlou ding ahi.Ama thei jing kawm jawkawmle pahtawikawm a I gam ilei I it ding a, inuipa kem ding le khang ipai tou jel ding te’n athei jing na ding ua kembit ding le hil ding a belguot ihi chimanghil lou a itha hat lai pet a sep le bawl ding ahichi jong manghil sih vai.

Tuaban ah, I ngaina hoitahtah te, ujaw naujaw kijatat tua a kithuman tuo jing te ihi chi thei jing vai. Inn sung ah nu-le-pa te ijatat a nu-le-pa te’n tate kung a hindan ding khandan ding, ham le pau dan ding, milah a umdan ding, nasep le silbawl dan ding te ban ah zii le pasal sui dan ding tanpha hing thuhil tou ditdet ua, tate’n jong thumang tah in ijui tou jel hi. Tuama bang in khosung vengsung ah jong Upa vaihawm te kijatat in kithuman vadiem te hihai. Inn le gam a sep le bawl na pou a ataltah pen ana kijui vangiem hi. I sang a Ujawte jatat na le mai et na in aneu jaw te’n sep ding bawl ding teng bawl mai te ihi. Annkuong lai a atal tah pen neh masang in koiman kuong sau lou a, neh ding tah ding a um chieng in atui tuohtuoh te le ahoi hoite kipia hi. Ujaw te sawlna kimang a, Kamsiam tah in, U, Pi, Pa, Nu, Etc. chibang in ana kihan ua, koima mintah in kilou lou hi. Tangval te’n jong nungah hel na ah Ujaw te kidem ngai lou a, touna ki-awn hi. Tambang gamtat hoi, kijatatna kithuman na te ngaina nei namte ihiman in kipah huai a kiletsah tham ching mama hi.

Dahna a kidahpi a, kipahna kipahpi namte ihi uhi. Tuaban ah khosung gamsung a panpi ngaite hahsatna tuohte, aliem abai, china luna te a um chieng a kisit lou kei a phattuom ngai tah a apoimaw le kul bang jel a kithuopi a sen ding te kisenpi a apoimaw na bang a kisit vawtlou te ihi hi. Nehding tahding silding tending umlou chieng a jong neikham kham a kihom thei minam ihi hi. Genthei na hahsatna ituoh chieng a jong kithei mawbawl a kitaisan thei namte ihisih uhi. A dahte idahpi bang a akipahte jong kipahpi a nuipih thei te le Sielpi Sieltal goujen a kipahtawi thei te ihi ua, tamte khu ichinden ding ua hoi imanghil vawtlou ding te ahi.

I gentah mabang in aki it mama te ihi uhi. Itna leiba ba ngen ihi uhi. Midang namdang ten ahing en na pen uh iki it a iki ngainatna te ahi. Khatvei lampi a kituoh jual a kilawmpawl thei pai te thei ngai lou mikhuol te bang limtah a ana zindou thei a zin nuol thei namte kihivet lou hi. Ki itna annkuong lui ngaina mama te ihi ua, tuami ki itnaki ngainatna te liensah semsem hi. Neil eh lam sum le pai sang a mel le puom kimu kisuhtuo ma thupi isa uhi. Vaphuol te nupa kigente tawh eimi le eimi ki itna akikhiehna um taluo lou hi. Lawmta ki it ki ngai, sih le sikhawm a, hin le hingkhawm ding chibang kithangsah mama te ihi uhi. Ei Zou te adding in pen sum le pai nei le gou lam sang in kikhawltuo a kivetuo jing ithupi sah jaw uhi. Tuaban ah eite pen innsung hi’n khosung hitale kivaipuohna kichien nei thei te ihi ua, inn sung a Pa, Ta, Nu, Pi, Pu, Moute le adang dang te’n sep ding le bawl ding neichiet uhi. Mithupi, mibul ihina khat ujong ahipai a kepbit ding itavuon ahi hi. Tuachi mabang in mi kiliansah ut, let ut, lal ut mite ihi ua tuana ding a panthei tan a pang vevaw a minuai a lut ut lout e ihi uhi. Kiphatna, kipahtawina ngaisang te ihi ua, asiam ding ahoi ding kituh te ihi uhi. Tamte in ihindan te ah koima eng lou in I lungtang ilunggel te hingkoi jou hi. Thusia deilou a thuhoi thupha del a taivevaw te jong ihi. Nampi lunggel ding ma jong ahi. Tambang te jiah in kiletsahpi huai mama a, hasuo vawt lou ding ahi.

Ngaina hoitah tah te ihasuo lou a ithei gige nading in mimal chin in pan ilah tahtah ngai hi chi manghil sih vai. Leitung khantouna te in ingaina hoi tahtah te ahing dep manglou a, chintah, keptah le jahthei tawntung ahithei nading a mawpuohna kikim neichiet ihi. Tuachi lou in pah le ga suong thei lou in shi ding a muot mang mai ding a seltha tha lou ding hi. I ngaina le ithei gige dingte imanghil a ikep lou ijuun lou le ingaina te tungtawn in hing guoljawltu itung ah hahiem thei ding a, tuatham lou in a Siampa, abawlpa simmawm mudah le ngaisahlou kisuoh kha ding hi.


I ngaina te le ichintuoh silte pen I Zogam jemtu ahiman in ihasuo kha pouma a ahile I ZOgam palthei nonlou ding a, I Zogam dum dildial lou a san siasuo kang papaw ding hi. I Zogam heisa bang pal nadin I sep ibawl na chiet ah hanchiam in guoljou te hivai.

Read more...

zabellei jubillee 1952-2002 laate

Zabellei Vangkhuo Golden Jubillee Laa te

1.Chinzathang in Phamsa Khamchinzam leh Kapzahau a tapna laa

A)Nasat vangkhuo kum 50 chin nin

Kei leh mamou kawlva bang lam ing

Chiin ngai Kamlianpa aw hinglam aw

B) Tungta leh chia a tun kal ngahlaa

Jubillee tuang tung ta e

I ngai Thongpau pa aw hing lam aw.

2. Chinzathangin Chinzagou leh Manzaching a taapna laa

A) Jubillee lumsuang kimvel ah

Vangkhua Kawlva bang laam e

Tuaingai PoPaulpu aw hing lam aw

B) Tuaingai PoPaulpu aw hing laam aw

Tuaiman Sangniangpi aw hing laam aw

3.Ngaizachiin(Hausapi) in Niangngaiching(atanu) a taapna laa

A)Vonsen tempai bang kuoinlen

Laamkilzawl hing jui aw e

B)Laamkil zawlhingjui aw Niang aw

Ningzu Aisa na dei chibang teel aw Niang aw e

4. Chinzathang in Nengkhenthang a tapna laa

A) Tuana Pupa Khul a apian in

Aten kum Jubillee suangphut umlou Thang aw e

B)Zabellei Khuo Zou neupen

Aten kum Jubillee suang a phu minthang e

5.Pumzalam in Hausapa a taapna laa;

A)Tuunsung khat laigyi jom kahilou vang,

Vangkhuo zingvai a hawmding in,

Mansawnniangpa ken muang nang

B)Mansawnniangpa ken muang nang,

Vangkhua zing vai a hawm chiang,

Sian toh tonghkum jel na va ching e.

6.Hausapi'n Hausapu a taapna laa:

A)Ching hounuam aw,haibang na ngahlaa Jubillee tuang tung ta e

Laambang hing jou aw

B)Laambang hing jou aw,Zingvai hing hawm in,

Sangbang khen ding sangbang vaimawng e..

7.Hausapa'n a khuo Jubillee a taapna laa:

A)Hing jou vevuo, khuokoimtaang guol,

Jubillee lambang a pah ding in.

Sanga ka ningtui aw vei lai e...

B)Sangga kaning tui aw veilai e

Don a Zu bang kang lou a ,

Ka Vangkhuo sunun nuom nou aw e.

8. Pumzalam in Jubillee suonggielpa Pu Henzamang a taapna laa:

A)Vonteng lungtup lumsuang minthang,

naamtem suisiam nou lah na bang a lawm,

B)Pumang baanjal a zem kilawm,tungchiang alsi zeembang a

Phamsa Juo laukhan nung vil hiam aw?????

Read more...

SAMTE LAATE

SAMTE HAANLA

A) Phal guo ka tawi e
Ninu lohna guamkhat ah
Luansing bang siang e

B) Ninu lohna guamkhat ah
Luangsing bang siang e
Ka guallai ah zang musi ka nam e

A) Ka tuun toiin e…………..
Seisang ka tang e maw…………….
Ka jua tio in e………….
Namtem bang ka hiam sing seng e.

B) Chimtui ka khuamual nen ah
Haanlam dawnding sengual phil leiluang bang e



SAMTE KHANGTUNG LAA

A) Ka phung tetawh angni bang ka satlai in
Khuamual dam diei a tuan ngam umlou,

B) Khuamual damdiei atuan nagm umlou
Vangkhua keellam bang apel ngam umlou


SAMTE LAAPI

A) Ka khiangmang khat a khuang aw e
Khua kim a lai a sia e.

B) Solkhapi khat a khang aw e
Si-al in lai ah sia.

A) Chimtui vangkhua Kamkei Khuosat
Tu tom phoh bang lingnei e

B) Tu tom phoh bang lingnei aw e
Khang vaimang suanla e




SAMTE MALAI(THUPI LAI) LAPI TE


A) Hauvah siataang dong tang e
Chimtui haumang hing e

B) Chimtui haumang nu hing e
Vonmang toi tawh lawm sang e

A) Asa lapsa khung,
Awkhi siatlei a kavaw,
Dumpuan lammei a ka vah.

B) Ka khiang mawng khat a pou aw
Phung chin in lai sia
Solkhapi khat khuang aw
Si-al in lai ah sia


A) Sah chiang chiautui bang khang ta e,
Lumsuangpi nawh ning chi e

B) Lung suangpi nawh ning chi e
Khang vaimang pan suanla e

A) Awkhi siatlei ing vong e,
Dumpuan phialpi in nei ing

B) Dumpuan phialpi in nei ing e
Hualsai in gawl kan ing e


A) Lumsuang paalbang chiang taang e
Vaimang pal bang ka nan na

B) Vaimang pal bang ka nan na
Sial bang va suah tang e
Lunmang tang taang e


SAMTE HAUA AHINA KHUO UH TAWH

Sl.no. Hausa min Khua min

1 Zamlianthang -Saiboh
2 Zammang -Chimtui
3 Munglianpau- Sialsi
4 Nengkhanmang -Jangnuam
5 Liankhohau -L Kanan
6 Thangkhanpiang- Suangphu
7 Hausuankham -Kuvan
8 Khamkhenthang -Zou Bethel
9 Thangsianlal -S.Zoumunnuam
10 Nengkhenthang- Zabellei


SAMTE INNKUAN MOUSA HAWMDAN

1. Thalloupi : Amal led a bawlman
2. Thallou dom : Aliang
3. Tanupi : Amal,alu leh a bawlman
4 Tanu dom : Aliang
5 Tanu thumna : A kong phal
6 Upa sakaih : Akong meibanglam #
7 Tanu Lina : A naahbul
8 Thusa : A naah
9 Zawl : A khuang jang
10 Gautang/Tanu gual : A sa um dandan
11 Sa kong puo : Inn neite a ding

# Tam pen Pu Zakai khang a ki pan ahi. Zangdo(u) patina kipan ahi.
Note: Zou tawndan in Thallou in a liang a kai/atang a hinanleh Samte Pu Zakai khang a pat in Upa Sakai a mal ahi ta hi.


Zabellei Khuo Kum 50 chinna Jubillee 1952-2002
Ani 5th April 2002
Mual suang hongtu Rev.Thangkhanmang DS Singngat District ZCC(Now MELC)
Jubillee Souvenir hingtu : Pu T Hangkhanpau President UZO

Zinlian : Pu T Hangkhanpao President UZO Gen Hqtrs
Zin zatathuai : Upa T Donglam Dy Moderator ZCC (1st Teacher in Zabellei)
Jubillee pa : Pu Zamkholian Chief of Sumchinvum
Jubillee Inntehpa : Pu Khamzadong President Samte Phungpi

Read more...

Zougam HAGAU mautaam kielpi

ZOGAM MAUTAM KIELPI

A jiah pen , tambang hun sung a bangma geenlou a na um leh mundang khat a pat in Jiu mite hutkhiatna ahing um ding a ,hinanleh nang leh napa innkuon ten a mangthang ding uhi. - Esther4:14(a)cf.


Jesu pian masang BC 485-465 sung teng kumpi Ahasu-erus @Xerxex I in Ethoipia apat India tumlam leh Egypt kal sungteng ie. Tulai a India a pat Sudan tan Leengvai a na hawm a, gam 127 sung pumpi Lengpa ana hi hi.Susa khu a Khopi in a siamta hi.

BC 483 kum in Lengpa Ahasu-erus in Leengvaia hawmna kumthum a chin kumin Susa khopi ah ni 180 sung a thupina,ahausatna leh a gamsung a amite leh gamdang mite a ensah ta hi. Gam 127 a vaihawn ahina toh athupi a ahausa mama hi. Lengpa Ahasu-erus thupina te ,ahausatnaten a zinte ahip mama a along tai thei mama uhi. Lenga zu dawn a gualnop abawl lai in Lengnu in jong Lengpa hausat n ate jou in gual nop na bawl veve hi. Tambang gualnop pawi khu Lengpa Ahasu-erus in a thupi theitawp ding a asiam Susa khopi sung a mipite jousia nangawn jong letsong pe kim vaya hi..Tami in Susa khuomite a lung tai sah mama hi.. Tambang a gualnop bawl a hun a jah lai ain Zu ahing dawn ua ahing kham ta a a zu lung pi toh kimuang/poh in a gamsung a anei leh a lam leh a gou te tengteng sang a thupi jaw “Lengnu” khu a jinte etsah a sawmta a Lengnu han ding in a suioh te asawl ta hi.

Zuolah!! Lengnu ut ta lou!! Lengnu Vasti a mel a hoi a,a duang a hoi jiah in aki liansah a ,Lengpa thupiah a nit ta sih hi. Lengnu vasti etlawm in ngai bang in hoi mama nanleh Lengpa lungthahna khu a tung ah ahing tung ta a a Lengnu hina Lukhu khu lah sah in a um taaa..

Lengnu Vasti paikhiat ahi nuoin Lengpa jong thawmhau tei sam hiding hiven Lengnu ding Nungah melhoi ,duang ching leh um dan hoi ahig suita a tulai a Sepai ki la ding ma bang in Nungah hoi mama te ahimng pai khawm ua lengpa dei bang hi thei na ding in ahoi thei tawp a ki chei in Lengpa ahing tuo ta uhi.Tuote lah a Judami Benjamin phung sung a pat Abihail tanu, apapi Mordekai ,Jair tapa , Jerusalem a pat a lengpa Nebukadnezzer in Babilon sal a aakai te lah a khat kep/etkol nungah hoi tah Esther jong a pang kha hi. Lengpan Esther a mutah in a mit laa in Lengnu hiding in Lengnu lenglukhu a khu sah ta hi.Esther khu Hadassah jong aki chihi.

Esther lengnu a apan jou kum bang jat ahei khat nou in Lengpa nuai tah a sem,lengpa ban tah a pang lengpan a muan mama , Teptanlou mi Haman kichipa khun Juda mite khu ahing hing huat ta hi.A jiah pen , Amapa (Haman) khu a ki liansah a ,aki thupi sah aapaipai na lang lang a mi a tuohkhah tapou in kun a a biat ding uh chi ahi mawh hi. Tam pen lengpa phalpiah na toh phutlui hinanleh Judami Esther enkoltu a papi Mordekai in a ja nuomta siha “Teptanloumi bangding in ka bia a bang ding in a mai ah ka kuun laijang diei??” a chi ngaidan khautah a nei tinten hi. Tam jiah a Haman in Judamite a hing huat ahihi.

Mordekai jiah in haman lungthah mama in Mordekai mai hilou in Juda nam pumpi thalup ding thai mang ding ahing sawm tahi. Tuo hgunlai in Haman in lengpa thujo jou mama nalai phot ahi chiang in Juda nam teng tha siang na ding in ngawna dihlo tuomtuom toh lengpa phalpiah na a khutsip suai toh nam detna a bawl ta hi.Tam guoh a hun sah lou in Mordekai khailup na ding mawng mawng in tau/kem tongh 150 (200 feets Approx.)a sang a dawn alai hi.

Tamthu Mordekai in a jah tah in naa sa mama in sai ipp puon sil in leivui lah tual puang lah ah a kipeh in a kap a athuum vangut ta hi. A puonsilte a bawt keh a vut ki buahin nahpi tah in a kap ta hi. Lengpa kimupi dingin lengpa dawngkotte tan a pei nanleh Saiipp puonsil te Lenghuan a lut phal ahita sih hi. Haman gitlouna khu Juda mi te teng teng in a thuoh law ta uhi. Lengpa lengam sung a mi gilou mithukhel, midang nam dang te tawh tawndan ki bang lou ,vaihawmna nawngkaisah chi a ngaw in Juda mite tengteng tha chimit ding sawm ahita mawh hi. Tamthu Juda mitten a jah tah un koima a um ngim thei non ta sih ua,a umum na uah daana kaana leh mauna thawmhauna te in a buoh ta hi.

Tambang hun a Juda mite buai pilpial dingdaan, amang bat ding danuh, athawmhau ding dan uh,bit akisahlou ding daante uh l;eh a beidot huai ding dan te I ngai tuo a I lungsim mitha a imu sah chiang in ………I nah ngeh te a naa in khotuo huai mama uhi.Gamlah a khuai kai theikholloupi a ki phukha bang kei dingin ka ngai sun hi.Henkuang sung a ngasa hinglai ki koi bang giap va uh chi in.

Tuoma bang in eite jong chimawna, ,beidawtna, nuainetna, nelsiana, baana, neilouna, giitlouna taang (Hill) lam juan a pai lellel I bang ta uhi. I khotang sung uh I et chiang in .. Sahlam..Hanglam..Tuolam..etc…te a pat in gihna te hing pai pai jel in I henna(existance) tanpha a ding a giihna (treat) tahtah na ahingtuttou khah ding jauhuaimama hi. I neilou nahkal ah ahing ne tum ut lah phelum pul bangtalawm.Seplou a aga tuitah neh I iki lamet ua,I toumunte ua bang ma ngaisahlou a I um um uleh mangthang petma ding ih hihi.

Politically,I kuang a kilui jousa nasan kei a ahi chia ngal tah ta. I neh ding I tah ding hing pe thei ding a muang tah a koite uh lah a huaise pen hita.Bulah bal kining ching tah ahing piahh ding uh iki nep na leh a chaim uh hinanleh I neisa te nehpi ding mai a hing ki en ta mawh..tuo mai beh hileh.. midang te kung a maipha suina a hing ki jahsah nalai. A luahsa ne ki tam mama tahi. Koi ka tung ding jou ei chi hilou in koi ka net um dil del jou ei,koi ka sol jou ei chi hita mawh…a zum maw papa ,a ngal papa, maivun nei papa ahampha suah ta hi. Nampi min aneh guh tah guh bawl,leh dangnal tah leh smart tah gintat sang in mi ki tam koi.. Socially,politically ..bang magenbe ding um nonta lou, ge thei umsun chu asia….asia….asia… himai… ase dildel…A tawpna hinailou..a huaise vawt..gintat huailoua tahtah lah hi. I hattuom.. I hattuomte uh nai mou khat a I et chiang in koima a ahoijo dingtuam sam umtuomlou.Mipi Hattuom mite lungtun na hattuom hinontalou. Hattuom khat a pat a dang khat a lut ding lung gul ngen. A jiapen vaihawmdan tangh(just) nonlou.Sumleh pai lut dan jah dan dih nonlou. A poimaw lou pen tah a tampipi seng koi.Semtu te Allowance gentahlou Basic pay nasan jong pejou non ta lou…Lamkai mimal in ama dei dandan a thutanna bawl thei chetchet ta .Tamte in hattuom mite su thase maama a koima sawm a khat pe ut jong umnonlou, Biah Inn kai ngap/pai um nonlou, Hattuom piching leh muan huai pen te a jong Nilaini kikhawp a mi Sawm kikhawm jou non talou. Mautam kielpi I thuah nasa mama uhi. Tahsa a neh ding tah ding I ki tah sap na ban ah hagau hinkhuo tanpha in baalaw ta.Mautam kialpi ngah jou lou a lamkal a Sawlsam vei a iki lia a khovahi mu lou khah ding jau huai mama hi. I ngaituona lamlam ,I etna lamlam miel kiehkuoh.maitai tah a I um a mite I sukipah na ding gamlaa nalaimama va guai.Zogam kielpi Zomikielpi Zou kial.

Juda mite lah a tambangthu a hing um tah in Juda mi Lengnu Esther jong ana mawh um maimai sawm lou in a panthei na tan a pang vevo hi. Ana sem Hathak tungtawn in a papi Mordekai toh ki thujah tuo theiin ana sep ding uh hing pan thei uhi. Nithum sung ving veng ann ne lou,Tui dawn lou leh kisusiang lou kei in pasian hing buan ua , Mangpan a thuuna uh dawn sah in Ama un tegel maihilou in Juda nampumpi jonhg hundam ih um hi.Haman ,amau tha sawm a buai vingveng khu Mordekai khailupna ding a abawl Tau dawn ah khailup in umhi.

I gamsung dinmun , I khotang leh I hattuom te a siat dil del laitah in eite jong mawh a tou muang den thei dingi hi sih hi. Lamkaite chi a mawh ngahngah thei ding ahi nonsih hi. I lamkai te ulah Ngia Belam vun sil vive himaithei hi. Kituoh na ding deilou a amauh teki siamtan thei gige te a hi bou uhi. Lui umlou na a lei daw ding chiamte nelsia mai hilou in ngaisang sang nonda konlei hoi bep va.I hattuom lamkaite lah lamdihlou a hing pui a hing jawpi sawm gige ahi bou uhi. I bieh inn bang a “menemene tekel uphal sin” chi a ki gial bembom te ei a simthei loute thei ding a “leitung vah nahi uh” Dihtatna in Nam a tawi sang” “ki siam tha Kum” chi vel a hing le sah pou pouah jong hikha maw lou ding hi. Ki hawp teng a Thuum na tampi vei nei thanuam lat ding tampipi dei te a hi uhi.

Tambang hunhasa a I tou muang lou a ahi leh Pasian eilam ah hing pang ding a bangman ahing suling jou non sih ding hi.Tuochin Pasian lam ah I pang ta ding ua,Pasian haamuanna leh etkolna tam anei a bang in ai nga ta ding uhi.

………….suh genthei a um,huipi in a mut leeng,hamuanlou a umnu aw, ngai in, Keiman na Innsuang te khu suangkaang vive a kalam ding ahia,Tuoleh na innkhuomte jong khu suong de vive a ka tun doh ding ahi. Na Inn tung vumte khipi suong in ka siam ding a,na dawng kot ten gal ha suong in ka siam ding a,tuoleh na kulpi baangte khu suing manpha in ka siam ding hi.
Natapa te khu a unpi un Mangpan a hil ding a,natapa te uh thupi tah in ahing hausa tading uhi. Dihtat na a tundoh in na um ding a,bawl genthei na a pat in gamla tah in na um ding a ,na jau nontah lou ding jiah in chijatna a pat in gamlapi ah na um hiding a,ahingnai nontasih ding hi.
Isaiah 54:11-14

Simtu itt-tah te jousia Pasian in Nampi awng hing hu unlen hamuanna nga thei ding in hing gual jawl ta hen. Amen

PS: recently I was going home spending my vocation with my families and my sweet heart. There at home, I have seen the plight of our people –no doubt it was really pityfull.none dares to go to attend the Church worship service.It seems every thing is dull,and dark.Our Political ,social and religion situation was painfull to see.It looks a war torn deserted town-devastated.No one seems exicited- every face is horrible to see the angry and fierce look.Inspite of my efforts not to acknowledge, my inner voice compels me to jot down atleast few lines.Its only how my two little eyes see.

Read more...