i was there

Hinkhuo bang a ta lawmlawm ei??

By:Apashang

Mihing, Tahsa leh sisan a hing ihi nalai man in khat veivei chiang bang in I lungel paisual kha dehdeh in ahilou ding tantan bang ki gelkha jel hi. I lungel,I ngaituona ten saupi hing tun thei jel a,I theilou kal in ki val kha dehdeh jel hi.

Hunpaisa te I ngaituo a, ahing tung dingte leh tu-le-tu hun a I hinkho man dante bang,ahisih leh Innsung thu,khotaang thu,khat leh khat kal thu, khat toh I kal thu bang, mikhat in simmaw leh nuaiet tah a ahing eng hou khah te bang I tou mun a muang chiang tah in I ngai tuo kha lethi. Tuotham lou in , I Itt pente, I ngai pen te , I ki muanpi pen te bang I gintat ahing ban lou chiang un bang, Sil I deilou lam lam a ahing kihei chiang in bang,ahi sih leh thuthang hoilou tuomtuom te bang, ihi louna khat a ngamthw tah a ahing kingaw a, ahing ki minsiat sah chiang bang in khgat vei vei thang pai man in ei leh ei ki thangpai suo mawh in I lung bang neu kha dehdeh jel hi.

Tam bang hun leh dinmun a I din khah chiang in ei le ei bang I ki ngaisia a,beidawng I ki sa a,bangma lunglutna ahiei thanuam na hiumhim kineilou in I maban,I ngaituona bang miel I sa uhi. Tuochiin I ki ngaituotuo a, tuomi in ei leh ei ahing ki mudaa sah tuntun a,naa ki sa mama in I lungsim leh I tahsa tanpha in baa law in ki jawngkhal jou phial mawh hi. Tuochieng in ngaituo tuo lou dinmg te I ngai tuo gent ah lou in I genlou ding I sahlou ding te bang I geen kha a I sa kha jel uhi. I hinkhuo I ning a, thasiat huai bang I sa tuntun hi. Migin um Job bang bang in I pian ni bang I hamsiet ut a, piang vangsie I ki sa a, tamlei tung ah ki piang daa ta maimai l;eh I chi hun bang a tam hi. Beidawng in Uimaw gam phu ki bang in bang phu ki banga a I maban bing in kinepna bei iki sa uh hi.

Awww…… bang ding ua nang piang sah sese ua na ta ua nang nei sese uh ahiei, bang ding a kei sese? Midang kei lou bang ding a taa a ana neilou? Hi bang lawmlawm tuoh ding a na ta ua nahing nei uh amah.. chi bang in ki phun in ki ham kha thei a, ei sangsang a lungkham jaw leh buai jaw I nu leh I pa te bang ki phunsan in ki tomsan ngap kha jel mawh hi. Tua chi ma bang in I Ittpen I ngai pen, Izi-Ita -I U I nau, I sangam te tung tan a jong bang ki haahiam ngap mawh hi. Ki ittna ki ngaina , ki khotuona, ki hawmthawna chite jong bang a a phattuom na leh a hoina uh um a I ham ua ki nei a um sese a, mihing in kinei a poupou diei??? I hinkhuo su nuam maw thei giap a hing su liang vai sah thei giap hilou amah I chi hun uh bang jong um tham hi. Amau te ana um daa ta maimai uleh mihing a ding in lunggel nate, lungkham nate jong ana umlou ma ding hiven I chi chang bang uh um hi. Ki Itt ki ngainat, ki deisah nate umlou hileh ki hawmthaw a, ki tai a, ki nialna te leh tuote ngaituona hun ding jong umlou ma ding hiven maw bang I chi tuntun uhi. Bang ding a tuote eite hing sugenthei, suliangvai maimai ding ua I nei uha vahuau uh adiei bang I chi ngap hi. Ahima hi. Dih ma.

Ahin, Tamte khu hinkhuo su nuam a etlawm sah leh thanuam huai sah tu tejong ahi veve uhi., Hin khuo I chi pen laimai bang a hia, I sin ding uh ahi. Gal bang a hia, I dou ding ua I jaw ngeingei ding uh ahi. Lawm hoi tah ahi, I ki Pawlpi ua I genthei I hah sat nite ua hing suhat tu leh hing thaniuaam sah a hing hing sah tu ding ahi. Thamlou in aki heng lele thei sil ahia, a lep tuah daan leh a lep dan I sing ua I siam ding uh ahi. Hinkhuo I chi pen hinkhuo ahi.Hinkhuo.

Hinkhuo pen tam bang mai ahi lai in, ka sim siam thei sih a, ka sim ngap sih a, ka joujou thei mama sih a, ka thei chian thei tuon tahtah sih hi. A ki heng lele sil ahi man in hun chin, phat chin in ka lem tuoh jou gige joujai sam sih hi. Ahin, tam jou jou in khup khel leng, hinkhuo I chi a thei lou leh a tang lou, a amu kha lou pa/nu himai ding kahi giep hi. A jieh pen ama a gim thei sih a, a tawl mawng mawng sih hi. Jau a nei sih a, ahang san mama a , buan ngam gige ding ahi sih hi. A jieh pen kei ma hinkhuo thei siamlou pa/nu kahia,ka sinlai ahi bou hi. Lungsim leh tahsa a ka baa chiang in ka joujou mama sih a, kaki buan ua,ahing sial lia jel a ahing buan a, tuol toh ahing net bet thei jel hi. Thou joulou ding khop a ahing buan lia hun jong a umlou ahi tuan sih hi.

Ka baa seng a, genthei ka ki sa senga, silpaidaan ka thei chiang sipsep jou gige sih hi. Bang pen ka ngaituo a bang jieh tahtah a mawh diei vang thei jou singh. Hing sai non sih un,hing lungkham pipi non daa un len hing disown mai un. Kei pen midang bang loupi kahi chiin thangpai man, Haasiat man, nelsie kisah man, ki taal seng man,ahing ki Itt,hawmthaw, deisah seng man, ka tung a aki nepna uh asang seng seng man,kaki suanlaa man, ka jaalen ut man leh kei leh kei kaki musiat man in leh AMA ka Itt seng man, a tung a kaki suan laa man, ahing Ittman,ka chitlaa man,ka mit maw, duhdah louman , ka lampiel man leh kei leh kei ka ki Itt man in ka Juongai sieng ah aban bang hing tung a bang hing ki geen a abang hing ging ding chi kan leh theimasa loupi in ka geen khe kha tamai hi. Koi laizang in. Mamadeh. Tam mai hilou in ka puoh gih seng man in kei leh kei ka ki tuisa buah sawnsawn na in kaki Switch Off nalai phuot phiangsan hi. Ahi leh bang kang geen ta ding uoi le… chi thuteng ahing kilah in… naa kasa a,bawl khiel mama hiing maw ka ki chiphet hi. Tuochiin ka theilou kal in ka biang kii gel ah ka lungel ahing kijui suh ua….. nunu’n nuam maw sa mama ei……. Nunu sang sangin bobawi in nuamnaw a sa jaw a naa a sa a, thuoh haa a sa a haa a sa tuntun hi.Ngaidam ka ngen a ka kuun a, bang ka maitang ding in ka tawi tadiei ??lah ka awsuo a ging ngap sih mawhaaaa… a ging aki jaa sih.

A bawn un ka Itt a, koima ka teel tuopm sih a koima ka pai thei sih. Khat lah ka tem ahia khat lah ka pai veve ngal aaaaa…..ka laisim ka jou naisih, sepna ding jongh ka mu jou nai sih, mawpuohna ka hau a ka man laa a tua pen lah aki jaa daa pan ahinalai ngal a. Bat a hau a mijousien a migittna jal in a ngaina ua, a ging ta ua a muang mawh uhi. Lianloupi aki neusah ut viel sihhi. Issue nengneng annkam tuithei na khawp anei. Nau damlou in sum-le-pai tamtah a lut a,a seng a, vanman a a khang a a tam deudeu. Tam bang kawmkal ah sum leh pai jongh lah a haa da deudeu hi. Ni zaa sagi leh chi lah a zaa leh sawmnha jong ka pe jou sih. Ki a ahi mawh vang in. Numei teng a ngai daan uh aki bang sih.. Ka juanpi ding leh ka ngui a ka muttut pi ding lawm hoilou kaht ka va munalai hi. Ahing ahing kideh sah a hing gah tah a hingf sai tu jong ahi veve hi. A damtheilou ngen ahi nalai ua a nuimai keng a um tuom sih hi. Ahi na tah uh aki thei tuo sih ua aki bang ahi uhi. Innsung, khop sung,gamsung hattuom sung buaina leh gittlouna saatlouna bwl a sui ngen ngie balam hon lah aaa.


Tambang hunlai in ka pian ding in koiman ahing dong sih hi. Ka pu’n ka pa a dong sih a, kapa’n kei ahing dong tuan samsih hi. Ka thei tan ah koima pa’n a ta a apiang masang in a dong kha sih hi. Deithu a tel thei ding jongh lah ahi tuan samsih a teel thei ding hinanleh koiman a tel sih ding hi. Kabil haa ah, ‘ka ngen a lam ka jawt a, ka gen thei ka haasat ni, ka mangbat ni, kakipah ni, ka tha nuam ni leh bang bang nate ka nei chiang in , thukhen ding lianpi leh thupi tah, thumaimai hilou a thu tahtah te ka nei a ka tuoh ding chiang in kei jong ka huphul a ka daa thei mama ve sam hi.sep ding thupoimaw, buai thei na diingte kanei chiang in KAPA haan ah koima mulou leh theilou kal in ka lung khamna te, ka daa nate,kaki pah n ate ah kava kihila ka va tki theisah a ka va dongh a, ka ngai daan te ka va kum hi. Tuo chieng in ka puoh a jaang a, ka lungkham ,ka mangbat ka he suoh ka thangpai n ate ahing kiem dawm a ahing navaah sah tuon mama hi. Tuonah bangma ka ipp sih a … ka ngen kahi chiang in ka pel kha sih a ka kuan ka tun in ka va kitheisah hi. Ahin tamte ka bawl vang in koima thei ding ka dei sih a akhanglui lungtangh puo a khanglui hin kahi tuan sih’ achi lai te bang ka bil haa ah amang thei nai sih a a chiang mama nalai a, kathei mama nalai a tu chiengchieng in jong ka bil haa ah a ging thei nalai a ka jaa thei nalai hi.


Ahi. Hinkhuo sim pen a bai ahilaijang sih hi. Mawh nopne a jawthaw bawl thei ding ahi laijang sih hi. A jieh pen sil a dei bang in a kai kawi trhei a, gin taat lou na lamalam ah jong a sep thei a a tuonthei mawh hi. Ahin lah, zau ding leh huphul a gal bawl ding vang ahi laijang sih hi. Simmun hoi tah ahia , zil ding,thei ding leh siam diing ahi. Beihun neilou leh a tawpna chi umlou ahi a a ban umum nalailai ahi jing hi.. Ama hinkhua a um laisie suol ding,buan ding ahi jing hi. Tam nah ngaw ding leh mawpai thei ding a um tuom sam sih hi. Ziing nisuoh teng khu Chouna leh Giihna(challenge) ahi jing hi. Na suol ei ahisihleh na ki pekhia (surrender) chipen nag thu ahimai hi. Tambang ki thuhil na kamteng , ki piah jawna leh jaana khu kei a ding in muthei lou a tha hing petu leh hing haamuan tu ahi jing a, tawplou in ahing umpi jing a ahing taisan ngai sih a jong ahing taisan sih ding hi.

Hey!! Never tease me. HIng phin vial sin Kapa um ahi aw…

Tuohun lai khu ka thei jing a ka mang hil sih ding hi. I was there at that moment when the momentum was so high to fell.

Read more...